ТӨРИЙН АУДИТЫН БАЙГУУЛЛАГА АХМАД НАСТНУУДАА ХҮЛЭЭН АВЧ, ХҮНДЭТГЭЛ ҮЗҮҮЛЛЭЭ
16:15 02 сарын 20 өдөр 2017 он
Сар шинийн баярыг угтаж он удаан жил, үр бүтээлтэй хөдөлмөрлөсөн ахмад буурлуудаа өнөөдөр Үндэсний аудитын газрын удирдлагууд хүлээн авч хүндэтгэл үзүүллээ. Уг хүндэтгэлийн уулзалтад төрийн хяналтын салбарт нэгэн насны ажил амьдралаа зориулж өндөр насныхаа амралтыг эдэлж байгаа 40 гаруй ахмад хүрэлцэн ирж оролцлоо.
Тус үйл ажиллагааг нээн Монгол Улсын Ерөнхий Аудитор Д.Хүрэлбаатар үг хэлж, байгууллагын үйл ажиллагаа, ажил үйлсээ ахмадууддаа танилцуулан, азай буурлуудынхаа үнэтэй сургаалыг сонсон дуутай хууртай ёслол төгөлдөр зохион байгууллаа.
ҮАГ-ын Удирдлага, хамт олны зүгээс нийт ахмадууддаа гарын бэлэг гардуулж, хүндэтгэлийн үйл ажиллагаа өндөрлөлөө.
