АЗИ БОЛОН НОМХОН ДАЛАЙН ОРНУУДАД ХИЙГДСЭН ТӨРИЙН САНХҮҮГИЙН УДИРДЛАГЫН ТОГТОЛЦООНЫ ҮНЭЛГЭЭ ХИЙХ АРГАЧЛАЛ СЭДЭВТ ФОРУМД ОРОЛЦЛОО
Филипин Улсын Манила хотноо зохион байгуулагдсан Ази болон Номхон далайн орнуудад хийгдсэн Төрийн санхүүгийн удирдлагын тогтолцооны үнэлгээ хийх аргачлал сэдэвт форумд Монгол улсын Төрийн аудитын байгууллагын Гүйцэтгэлийн аудитын газрын дарга М.Давааням оролцлоо.
Тус сургалтад Ази, Номхон далайн бүсийн улс орнуудын Төрийн аудитын байгууллага, Сангийн яамны удирдах ажилтнууд болон тэдгээр улс орнууд дахь донор байгууллагын төлөөлөгчид, Дэлхийн банк, Азийн хөгжлийн банк, Олон улсын валютын сангийн удирдах түвшний 150 гаруй ажилтнууд оролцлоо.
Тус форумд 2016 оны шинэчлэгдсэн аргачлалаар PEFA үнэлгээ хийлгэсэн Филиппин, Шинэ Гвиней, Непал, Вьетнам зэрэг Ази, Номхон далайн орнуудын төлөөлөгчид, Дэлхийн банк болон Азийн хөгжлийн банкийг төлөөлж үнэлгээний багт оролцсон, үнэлгээг удирдсан хүмүүс PEFA үнэлгээний туршлага хуваалцаж хэлэлцүүлэг зохион байгуулсан юм.
Мөн PEFA үнэлгээний аргачлалыг нарийвчлан танилцуусны зэрэгцээ, үнэлгээний тайлан бэлтгэх талаар зааварчилгаа өгч, Азийн Хөгжлийн банкны Дотоод аудитын албанаас Audit without wall (Хана хэрэмгүй аудит) нэртэй үйл ажиллагааг танилцуулж, улс орнуудын төрийн байгууллагын дотоод аудиторуудыг нэгтгэсэн, онлайн сургалт, хэлэлцүүлэг явуулах, туршлага солилцох шинэ платформ үүсгэн байгуулсан тухай танилцуулга бүхий сургалт зохион байгуулагдсан юм.
