2014 ОНД ГАДААД ХАРИЛЦААТАЙ ХОЛБООТОЙ ХИЙГДЭХ АЖЛУУД

Монгол Улсын Төрийн аудитын байгууллагын гадаад харилцаа, хамтын ажиллагааг өргөжүүлэн хөгжүүлэх болон төрийн аудитын чадавхийг бэхжүүлэх төслүүдийг 2014 онд хэрэгжүүлэхээр төлөвлөж байна. ҮАГ-ын хувьд:

• Хамтран ажиллах тухай санамж бичигт гарын үсэг зурсан гадаад орнуудын АДБ-уудын харилцаа, хамтын ажиллагаанд дүн шинжилгээ хийж, цаашид хамтран ажиллах чиглэлийг тодорхойлох
• Харилцаа тогтоож, 2 талт хамтын ажиллагааг бэхжүүлэх боломжтой гадаадын улс орнуудын АДБ-уудын судалгааг гаргаж, хамтран ажиллах санал тавих
• Харилцаа, хамтын ажиллагаа тогтоох болон хөгжүүлэх зорилгоор Монгол Улсын Ерөнхий аудиторын айлчлалыг гадаад орнуудын АДБ-уудад зохион байгуулах саналыг тавьж, айлчлалыг зохион байгуулах
• Ажилтнуудыг гадаад орнуудын АДБ болон гадаадын олон улсын байгууллагуудаас зохион байгуулж буй сургалтанд хамруулах боломжийг судалж, санал тавих, хамруулах
• ИНТОСАИ, АСОСАИ-гаас зохион байгуулах сургалт, семинаруудад ажилтнуудыг хамруулах боломжийг судлах, хамруулах
• ҮАГ-т Санхүүгийн аудитын чадавхийг бэхжүүлэх АХБ-ны төслийг хэрэгжүүлж эхлэх
• ДБ-ны санхүүжилтээр Гүйцэтгэлийнаудит, санхүүгийнаудит ба мэдээллийн технологийн зөвлөхүүдийг сонгон шалгаруулж, ажиллуулах

 Орон нутгийн аудитын газруудын хувьд:

•  Орон нутгийн аудитын газруудын харилцаа, хамтын ажиллагаа тогтоон ажиллаж буй гадаад орнуудын орон нутгийн аудитын байгууллагуудын судалгааг гарган, дүн шинжилгээ хийж, цаашид хамтран ажиллах чиглэлийг тодорхойлоход дэмжлэг үзүүлэх
• Цаашид харилцаа, хамтын ажиллагаа тогтоон ажиллах боломжтой гадаадын орнуудын орон нутгийн аудитын дээд байгууллагуудын судалгааг гаргаж, харилцаа тогтоон хамтын ажиллагааг хөгжүүлэхэд дэмжлэг үзүүлэх
• Гадаад орнуудын АДБ-уудад зохион байгуулах Монгол Улсын Ерөнхий аудиторын айлчлалын бүрэлдэхүүнд орон нутгийн аудитын газруудын удирдлагыг хамруулах
• Гадаад орнуудын АДБ-аас зохион байгуулах сургалтуудад орон нутгийн аудитын газруудын ажилтнуудыг хамруулах