МЭДЭЭЛЛИЙН ТЕХНОЛОГИЙН АУДИТЫН ХӨТӨЛБӨРИЙН ТУХАЙ

Хэнээс: Аи Ди Аи, АСОСАИ

Хэнд: МУЕА А.Зангад-д

Хэзээ: 2014 оны 5-р сарын 1

Агуулга: Мэдээллийн технологийн аудитын хөтөлбөрийн тухай

Хүндэт ноён А.Зангад танаа,

Аи Ди Аи дэлхий нийтийн тусгайлсан аудитын чадавхийг бэхжүүлэх хөтөлбөрийнхөө хүрээнд МТ-ийн аудитын  дэлхий нийтийн хөтөлбөрийг хэрэгжүүлэх төлөвлөгөөгөө та бүхэнд мэдэгдэхэд таатай байна. Энэхүү хөтөлбөр  ИНТОСАИ-н МТ-ийн аудитын ажлын хэсэгтэй хамтран хэрэгжүүлнэ. Уг хөтөлбөр нь МТ-ийн удирдлагын салбар дахь одоогийн шилдэг туршлагуудын талаар АДБ-ын аудитын мэргэжилтнүүдийг зааварчилгаагаар хангах замаар АДБ-уудын мэргэжлийн боловсон хүчин ба байгуллагын МТ-ийн аудит гүйцэтгэх чадавхийг дээшлүүлэхэд дэмжлэг үзүүлэх зорилготой. Хөтөлбөр нь Англи хэл дээр 2014-2016 оны хооронд хэрэгжинэ. Хөтөлбөрийн зорилго, үйл ажиллагаа, үр дүн ба үүрэг даалгаврын дэлгэрэнгүй мэдээллийг багтаасан Хамтын ажиллагааны хэлэлцээрийн төслийг хавсаргасан болно. Хөтөлбөрийн цахим сургалтын бүрэлдэхүүнийг тусдаа баримт бичигт тайлбарласан бөгөөд хавсаргасан.

Хэрэв танай АДБ энэхүү хөтөлбөрт оролцохыг сонирхож байвал Хамтын ажиллагааны хэлэлцээрт 2014 оны 5-р сарын 15-ны өдрийн дотор гарын үсэг зурж, бидэнд илгээнэ үү.

Энэхүү хөтөлбөрт 30 АДБ-ыг хамруулахаар зорьж байгаа учраас шаардлагатай тооны хүсэлтийг хүлээн авангуут нэр дэвшүүлэх ажиллагааг зогсоох болно. Тиймээс хамтран ажиллах хэлэлцээрт аль болох хурдан гарын үсэг зуран бидэнд илгээнэ үү.

Хүндэтгэсэн,

Эйнар Гөррисен

Ерөнхий захирал