МОНГОЛ УЛСЫН ТӨРИЙН АУДИТЫН БАЙГУУЛЛАГЫН ТӨЛӨӨЛӨГЧИД КИРГИЗ УЛСЫН ТООЦООНЫ ТАНХИМД АЛБАН АЙЛЧЛАЛ ХИЙЛЭЭ

Киргиз Улсын Тооцооны танхимын дарга хатагтай Эльмира Ибраимовагийн урилгаар Монгол Улсын Ерөнхий аудитор А.Зангад тэргүүтэй Монгол Улсын төрийн аудитын байгууллагын төлөөлөгчид 2014 оны 8 дугаар сарын 12-15-ны өдрүүдэд Киргиз улсын Тооцооны танхимд  айлчиллаа. Монгол Улсын Ерөнхий аудитор А.Зангад тэргүүтэй төлөөлөгчдийг Киргиз Улсын Тооцооны танхимын дарга хүлээн авч уулзаж, 2 орны Аудитын дээд байгууллагуудын хоорондын харилцаа, хамтын ажиллагааг бэхжүүлэн хөгжүүлэх талаар санал солилцсон. Энэхүү уулзалтаар Аудитын дээд байгууллагуудын олон улсын стандартуудыг нэвтрүүлэх хөтөлбөр,  Киргиз Улсын Тооцооны танхимын үйл ажиллагаа, төрийн аудитын байгууллагын хууль эрх зүйн орчин, хүний нөөц, цаашлаад аудитын үйл ажиллагаа, арга зүйн асуудлуудыг хэлэлцлээ.