ТӨРИЙН ӨМЧИТ АЖ АХУЙН НЭГЖҮҮДИЙН 2016 ОНЫ САНХҮҮГИЙН ТАЙЛАНГИЙН АУДИТ ХИЙГДЭЖ ДУУСЛАА
16:46 03 сарын 24 өдөр 2017 он
Үндэсний аудитын газрын санхүүгийн аудитын газар нь Төрийн аудитын тухай хуулийн хүрээнд Төсвийн тухай хуульд заасан цаглабарын дагуу төрийн өмчит болон төрийн өмчийн оролцоотой нийт 92 аж ахуйн нэгж байгууллагын 2016 жилийн эцсийн санхүүгийн тайланд аудит хийж дууслаа.
Санхүүгийн тайлангийн аудит дууссантай холбогдуулан 2017 оны 03 дугаар сарын 21-ний өдөр Монгол Улсын Ерөнхий аудитор Д.Хүрэлбаатар “хязгаарлалттай” дүгнэлт авсан аж ахуйн нэгж байгууллагуудын удирдлага, санхүүгийн ажилтнуудтай уулзалт хийж аудитаар илэрсэн нийтлэг алдаа зөрчлийг арилгах болон цаашид анхаарч ажиллах асуудлын чиглэлээр зөвлөмж, үүрэг даалгавар өглөө.
