ТӨСВИЙН ТӨВЛӨРҮҮЛЭН ЗАХИРАГЧ БОЛОН ЗАСГИЙН ГАЗРЫН ТУСГАЙ САНГИЙН 2016 ОНЫ САНХҮҮГИЙН ТАЙЛАНД АУДИТ ХИЙГДЭЖ ДУУСЛАА

Санхүүгийн аудитын газар нь Төрийн аудитын тухай хуульд заасан бүрэн эрхийн хүрээнд Төсвийн тухай хуульд заасан цаглабарт хугацааны дагуу Монгол Улсын Ерөнхий аудиторын 2017 оны А/47 дугаар тушаалаар баталсан хуваариар 19 төсвийн төвлөрүүлэн захирагч, 13 Засгийн газрын тусгай сан, 6 төрийн өмчит их, дээд сургуулиудын 2016 оны санхүүгийн тайланд аудит хийгдэж дууслаа.

Төсвийн төвлөрүүлэн захирагчдын харьяа байгууллагуудын санхүүгийн тайланд аймаг, нийслэлийн Аудитын газрууд, зарим байгууллагуудад хараат бус аудитын компаниуд гэрээгээр аудит хийж, санхүүгийн нэгтгэсэн тайланд Үндэсний аудитын газрын Санхүүгийн аудитын газар аудит хийлээ.

Аудитаар 1 төсвийн төвлөрүүлэн захирагчийн, Засгийн газрын 7 тусгай сангийн, 1 их сургуулийн 2016 оны санхүүгийн тайланд хязгаарлалттай санал, дүгнэлт өгсөн болно.

Санхүүгийн тайлангийн аудитаар хязгаарлалттай санал, дүгнэлт авсан төсөв захирагчидтай Монгол Улсын Ерөнхий аудитор Д.Хүрэлбаатар уулзалт хийж цаашид алдаа, зөрчлийг давтан гаргахгүй ажиллах талаар зөвлөмж, чиглэл өглөө.