НИЙЦЛИЙН АУДИТЫН ГАЗРЫН ЭХНИЙ ХАГАС ЖИЛИЙН АУДИТ ЦАГАЛБАРТ ХУГАЦААНЫ ДАГУУ ХИЙГДЭЖ БАЙНА.
УИХ-ын Байнгын Хорооноос Засгийн газарт өгсөн үүрэг даалгаваруудын хэрэгжилтэд аудит хийх хүрээнд Аж үйлдвэрийн яам, Байгаль орчин, ногоон хөгжил, Аялал жуулчлалын яам, Боловсрол, соёл, шинжлэх ухааны яам, Сангийн яам, Хүн амын хөгжил, Нийгмийн хамгааллын яам, Гадаад хэргийн яам, Үндэсний статистикийн хороо, Нийгмийн даатгалын ерөнхий газар, Нийгмийн даатгалын үндэсний зөвлөлийн ажлын алба, Мэдээлэл технологын төв, Эрүүл мэндийн даатгалын газар, Ойн судалгаа хөгжлийн төвөөс хэрэгжилтийн баримт материалыг хүлээн авч биелэлтийг хянаж байна.
Монгол Улсын Ерөнхий сайдын 2013 оны төсвийн багцаас хэрэгжүүлсэн зарим аймгуудын нэгдсэн оношлогооны төвүүдэд хөрөнгө оруулалтаар нийлүүлэгдсэн эмнэлгийн тоног төхөөрөмж, барилгын зарим засварын ажлын аудитыг нэгдсэн төлөвлөгөөгөөр хийж, холбогдох 12 аймгуудаас тайлан болон судалгааг хүлээн авч, нэгтгэж байна.
Газар тариалангийн хуулийн хэрэгжилт, үр дүнд хийх, аудитын тайлагнал бичигдэн, хяналтын үе шатандаа төлөвлөгөөний дагуу явагдаж байна.
Газрын тосны хуулийн хэрэгжилт, төлбөр тооцооны байдалд хийх аудитыг объект дээр очиж, ажиллан, нотлох баримт материал цуглуулах ажил дуусаж, тайлан бичигдэж, 2 акт, 11 албан шаардлагыг холбогдох байгууллага, албан тушаалтанд өгсөн болно.
