Танилцуулга

Өмнөговь аймаг дахь Төрийн аудитын газрын товч танилцуулга

ЭРХЭМ ЗОРИЛГО:

Орон нутгийн өөрөө удирдах ёсны байгууллагын хяналтын чиг үүргийг хэрэгжүүлэх болон төсвийн хөрөнгийн арвилан хэмнэлт, үр ашиг, үр нөлөөтэй байдлыг хангахад дэмжлэг үзүүлэх

 ЭРХЭМЛЭХ ҮНДСЭН ЗАРЧИМ:

• Хариуцлага хүлээх
• Шударга ёс
• Найдвартай байдал
• Бодитой байх

 СТРАТЕГИЙН ЗОРИЛТУУД, ХҮРЭХ ҮР ДҮН:

• Чиг үүргээ амжилттай хэрэгжүүлэх чадвар бүхий боловсон хүчний нөөц бүрдүүлж, гүйцэтгэлийн удирдлага, хариуцлага, урамшууллын дэвшилтэт технологи нэвтрүүлэх
• ОУ-ын шилдэг арга туршлагад үндэслэн өөрийн онцлогт тохирсон аудитын чанарын удирдлага, баталгаажуулалтын тогтолцоо бий болгох
• Гаргасан шийдвэр, бодлого, журмын хэрэгжилтийг сайжруулж, цаашдын байнгын хөгжил дэвшлийг хангах
• Гадаад харилцаа, хамтын ажиллагаанд тулгуурлан ОУ-ын төрийн аудитын арга зүй, хандлагыг судалж, үйл ажиллагаандаа нэвтрүүлэх

 Тус аудитын газарт 2016 онд 207,1 сая төгрөгийн төсөв батлагдаж, 207,0 сая төгрөгийн санхүүжилт авч, гүйцэтгэлээр  203,6 сая төгрөг зарцуулан ажиллаа. Тайлант онд 11 үндсэн орон тоо батлагдаж аудитын газрын дарга, Тэргүүлэх аудитор, аудитын менежер, гүйцэтгэлийн аудитын аудитор шинжээч 4, санхүүгийн аудитын аудитор шинжээч 4, жолооч гэсэн орон тоогоор ажиллаж байна.

2016 оны байдлаар 4 гүйцэтгэлийн аудит,  10 нийцлийн аудит, 307 санхүүгийн аудит хийж 186 012,8 сая төгрөгийн зөрчил илрүүлж, 105 335,0 сая төгрөгийн зөрчлийг аудитын явцад залруулж, 30,4 сая төгрөгийн төлбөрийн акт,  17 728,9 сая төгрөгийн албан шаардлага,  146 заалт бүхий зөвлөмж өглөө. Орон нутгийн төсөвт 67,9 сая төгрөгийг төвлөрүүлж, төлбөрийн акт барагдуулалт 62.8 хувь, албан шаардлагын хэрэгжилт 59.6 хувь, зөвлөмжийн хэрэгжилтийг 99,3 хувиар хангуулан ажиллалаа.

 АЖИЛЛАХ ХҮЧ:

Нийт ажиллагсад – 11

Үүнээс: 72% нь нягтлан бодогч мэргэжилтэй ажилтан ажиллаж байна.

Нягтлан бодогч мэргэжилтэй – 8

Хуульч, эрх зүйч мэргэжилтэй – 1

Байгаль орчны мэргэжилтэй – 1

Жолооч мэргэжилтэй – 1

 ҮЙЛ АЖИЛЛАГААНЫ ХАМРАХ ХҮРЭЭ:

Аймгийн Аудитын газар нийт 15 сумдын нутаг дэвсгэрт үйл ажиллагаа явуулж байгаа төсөвт байгууллага, төрийн болон орон нутгийн өмчит аж ахуй нэгжүүд, орон нутгийн төсвөөс санхүүжилт авсан хөтөлбөр төсөл, зээл тусламж, хандивын ашиглалт, зарцуулалт үр дүнд гүйцэтгэлийн аудит, тэдгээрийн санхүүгийн тайланд баталгаажуулах аудит хийдэг.

Түүнчлэн орон нутгийн төсвийн орлого бүрдүүлдэг хуулийн этгээдийн үйл ажиллагаанд аудит хийж, дүгнэлт гаргана.

 АЙМГИЙН ИТХ-Д НИЙЛҮҮЛЭХ БҮТЭЭГДЭХҮҮНИЙ АНГИ:

• Санхүүгийн тайлангийн аудит
• Гүйцэтгэлийн аудит
• Аймгийн ИТХ-д төсвийн орлого нэмэгдүүлэх, төсвийн хөрөнгө үр ашгийг дээшлүүлэх талаар санал, дүгнэлт гаргах
• Мэргэжил арга зүйн зөвлөгөө, судалгаа шинжилгээ
• Бусад дотоод бүтээгдэхүүн

 БАЙГУУЛЛАГЫН ХАЯГ:

Монгол Улс, Өмнөговь аймаг, Даланзадгад сум 3-р баг АЗДТГ.  Утас: 70533539