ТӨСВИЙН ЕРӨНХИЙЛӨН ЗАХИРАГЧДЫН 2016 ОНЫ САНХҮҮГИЙН НЭГТГЭСЭН ТАЙЛАНД АУДИТ ХИЙЖ, ДҮГНЭЛТ ГАРГАЛАА
17:50 04 сарын 26 өдөр 2017 он
Үндэсний аудитын газар Төрийн аудитын тухай хуульд заасан бүрэн эрхийн хүрээнд Төсвийн тухай хуульд заасан цаглабарт хугацааны дагуу Монгол Улсын Ерөнхий аудиторын 2017 оны А/62 дугаар тушаалаар баталсан хуваариар 29 Төсвийн ерөнхийлөн захирагчдын 2016 оны санхүүгийн нэгтгэсэн тайлан, төсвийн гүйцэтгэлд санхүүгийн тайлангийн аудит хийгдэж дууслаа.
Төсвийн ерөнхийлөн захирагчдын эрхлэх асуудлын хүрээний байгууллагуудын 2016 оны санхүүгийн нэгтгэсэн тайлан, төсвийн гүйцэтгэлд Санхүүгийн аудитын газраас хийсэн санхүүгийн тайлангийн аудитын дүнг Удирдлагын зөвлөлийн хурлаар хэлэлцэж Монгол Улсын Ерөнхий аудитор Д.Хүрэлбаатар дүгнэлт гарган баталгаажууллаа.
