Увс аймгийн Аудитын газрын товч танилцуулга

ЭРХЭМ ЗОРИЛГО:

“Улсын Их Хурал хяналтын чиг үүргээ хэрэгжүүлэх болон төсвийн хөрөнгийн арвилан хэмнэлт, үр ашиг, үр нөлөөтэй байдлыг хангахад дэмжлэг үзүүлэх”

ЭРХЭМЛЭХ ҮНДСЭН ЗАРЧИМ:

Үндэсний аудитын газрын харьяа Увс аймгийн Аудитын газрын ажилтнууд Найдвартай-Шударга-Бодитой байх зарчмыг эрхэмлэн дээдэлж, Төрийн аудитын орон нутаг дахь байгууллагын үйл ажиллагаа, түүний үр дүн хамгийн найдвартай, аливаа нөлөөнд автаагүй, үнэн, бодитой бөгөөд мэргэжлийн өндөр түвшинд явагдаж байгаа гэдэгт төр, ард түмэнд итгэл төрүүлж, хүлээн зөвшөөрөгдөж байна.

СТРАТЕГИЙН ЗОРИЛТУУД, ХҮРЭХ ҮР ДҮН:

2016-2020 оны Стратегийн төлөвлөгөө нь стратегийн 7 зорилго, 18 зорилт дэвшүүлсэн болно. Эдгээрийг хураангуйлан үзүүлбэл:

Стратегийн зорилго-1. ҮАГ-ын харьяа Увс аймгийн Аудитын газрын хараат бус байдлыг хангаж, хууль эрх зүйг хэрэгжүүлж ажиллах.

• Зорилт 1.1 Төрийн аудитын байгууллагын хараат бус байдлыг хангаж ажиллах.
• Зорилт1.2 Төрийн аудитын байгууллагын бүрэн эрх, хууль эрх зүйг хэрэгжүүлэх.

Стратегийн зорилго-2. ҮАГ-ын харьяа Увс аймгийн Аудитын газар чиг үүргээ үр нөлөөтэй хэрэгжүүлэх мэргэжлийн ур чадвартай хүний нөөцийг бүрдүүлэх

• Зорилт 2.1. Мэргэжлийн тасралтгүй сургалтын тогтолцоог хөгжүүлэх
• Зорилт 2.2. Мэргэжлийн дадлага туршлагатай, үр дүнтэй ажиллах хүний нөөцийн чадавхийг бий болгох

Стратегийн зорилго-3. ҮАГ-аас боловсруулан гаргасан аудитын арга зүй ба стандартыг мөрдөж ажиллах, төрийн аудитын төв орон нутгийн байгууллагын шилдэг туршлага, арга зүйд нийцүүлэн улам боловсронгуй болгох

• Зорилт 3.1. Аудитын арга зүй, олон улсын стандарт, тэргүүний туршлагыг нэвтрүүлэх
• Зорилт 3.2. Төрийн аудитын чанарын баталгаажуулалтын тогтолцоог төлөвшүүлэх

Стратегийн зорилго-4. Стратегийн оновчтой, үр нөлөөтэй удирдлага, төлөвлөлтийн тогтолцоог бүрдүүлэх

• Зорилт 4.1. ҮАГ-ын батлан гаргасан бодлогын баримт бичгүүдийг мөрдөж ажиллах, Увс аймгийн Аудитын газрын үйл ажиллагааг сайжруулахад шаардлагатай бодлогын бичиг баримтыг шинэчлэн боловсруулах
• Зорилт 4.2.Хяналт шинжилгээ, дотоод хяналтын тогтолцоог бүрдүүлж хөгжүүлэх
• Зорилт 4.3 Манлайлал, соёл, ёс зүй, хариуцлагын зөв орчин бүрдүүлж, байнга сайжруулах

Стратегийн зорилго-5. Удирдлага, дэмжих үйлчилгээний чанар, хүртээмжийг сайжруулах

• Зорилт 5.1 Ажилтнуудын мэргэжлийн мэдлэгээ дээшлүүлэх орчныг бүрдүүлэх
• Зорилт 5.2 Байгууллагын үйл ажиллагаанд мэдээллийн технологийг нэвтрүүлэх
• Зорилт 5.3 Аудитын үр дүнг дэмжих хууль зүйн болон захиргааны зөвлөгөө, туслах үйлчилгээг сайжруулах
• Зорилт 5.4 Төрийн аудитын байгууллагын хараат бус байдлыг хангахуйц санхүүгийн нөөц бүрдүүлэх

Стратегийн зорилго- 6.

• Харилцагч талуудтай ажиллахтогтолцооны үр нөлөөг сайжруулах
• Зорилт 6.1 Аймгийн ИТХ-тай харилцах харилцааг сайжруулах
• Зорилт 6.2 Судалгаа, эрдэм шинжилгээний байгууллага, экспертүүдтэй харилцах харилцааг нэмэгдүүлэх
• Зорилт 6.3 Олон нийттэй харилцах харилцааг сайжруулах,
• Зорилт 6.4 Гадаад орны түнш байгууллагуудтай олон талт болон хоёр талт хамтын ажиллагааг улам бэхжүүлэх

Стратегийн зорилго-7.

• Аудитын чанар, үр нөлөөг сайжруулах
• Зорилт 7.1 Сайн засаглалыг хөгжүүлэхэд хувь нэмэр оруулахуйцаар аудитын тайлангийн чанарыг нэмэгдүүлэх

2012-2016 онуудын статистик үзүүлэлт      

/сая.төг/

2016 оны үйл ажиллагааны тайлан

2016 онд санхүүгийн тайлангийн аудит 290, гүйцэтгэлийн аудит 6, нийцлийн аудит 18, өргөдөл гомдол, хүсэлтээр 2,   нийт 316  аудит хийж гүйцэтгэсэн байна.

Аудитаар нийт 11030.3 сая төгрөгийн үр өгөөж бүртгэж, харилцагч байгууллагаар 9048.3  сая төгрөгийн үр өгөөжийг хүлээн зөвшөөрүүлсэн. Төсвөөс авсан санхүүжилттай харьцуулахад  1 төгрөгт ногдох үр өгөөж нь 33 төгрөг байна.

2016 онд санхүүгийн тайлангийн аудит болон гүйцэтгэл, нийцлийн аудитаар 995.6 сая төгрөгийн 87 акт тогтоож, өмнөх оны үлдэгдэл 51 актын 213.1 сая, нийт 1208.7 сая төгрөгийн 138 актын биелэлтийг хангуулж ажилласан. Үүнээс 68 актын 378.7 сая төгрөгийн төлбөрийг бүрэн барагдуулж,  613.6 сая төгрөгийн 26 актыг хууль хяналтын байгууллагад шилжүүлж, 44 актын 216.4 сая төгрөгийн үлдэгдлийг  дараа онд шилжүүлсэн.

2016 онд 9905.6 сая төгрөгийн зөрчлийг арилгуулах 88 албан шаардлагыг хүргүүлж, өмнөх оны үлдэгдэл 13 албан шаардлагын 351.8 сая, нийт

10257.4 сая төгрөгийн 101 албан шаардлагын биелэлтийг хангуулж ажиллалаа. Үүнээс 82 албан шаардлагын 10013.0 сая төгрөгийн зөрчлийг бүрэн арилгуулж, 49.0 сая төгрөгийн 4 албан шаардлагыг хууль хяналтын байгууллагад шилжүүлэн 98 хувийг хэрэгжүүлэн ажиллав.

2016 онд хийгдсэн санхүүгийн тайлангийн аудитын үйлчилгээний төлбөр, аудитаар тогтоосон акт, албан шаардлагын төлбөрөөс орон нутгийн төсөвт нийт 63.9 сая төгрөгийн орлогыг төвлөрүүлжээ.

Аудитаар нийт 141 зөвлөмжийг холбогдох байгууллагын удирдах албан тушаалтанд хүргүүлж 82 хувийн биелэлттэй байгаа ба 26 зөвлөмж хэрэгжих шатандаа байна.

АЖИЛЛАХ ХҮЧ:

Увс аймгийн Аудитын газар дарга, тэргүүлэх аудитор, аудитын менежер, ахлах аудитор, ахлах шинжээч тус бүр 1, аудитор 5, шинжээч 2, жолооч-нярав 1, бүгд 12 орон тоотойгоор үйл ажиллагаагаа явуулж байна.

МУ-ын Төрийн дээд шагнал Алтан Гадас одонгоор 3, Төрийн хяналтын тэргүүн 10, Эдийн засгийн тэргүүн 1, Санхүү бүртгэлийн тэргүүн 2 хүн тус тус шагнагдсан.

ҮЙЛ АЖИЛЛАГААНЫ ХАМРАХ ХҮРЭЭ:

Аймгийн Аудитын газар нийт 19 сумдын нутаг дэвсгэрт үйл ажиллагаа явуулж байгаа 278 төсөвт байгууллага, төрийн болон орон нутгийн өмчит аж ахуй нэгжүүд, орон нутгийн төсвөөс санхүүжилт авсан хөтөлбөр төсөл, зээл тусламж, хандивын ашиглалт, зарцуулалт үр дүнд гүйцэтгэлийн аудит, тэдгээрийн санхүүгийн тайланд баталгаажуулах аудит хийдэг.

Түүнчлэн орон нутгийн төсвийн орлого бүрдүүлдэг хуулийн этгээдийн үйл ажиллагаанд аудит хийж, дүгнэлт гаргана.

ҮАГ-Т НИЙЛҮҮЛЭХ БҮТЭЭГДЭХҮҮНИЙ АНГИ:

• Санхүүгийн тайлангийн аудит
• Гүйцэтгэлийн аудит
• Нийцлийн аудит
• Орон нутгийн төсвийн төсөлд төсвийн орлого нэмэгдүүлэх, төсвийн хөрөнгө үр ашгийг дээшлүүлэх талаар санал, дүгнэлт гаргах
• Мэргэжил арга зүйн зөвлөгөө, судалгаа шинжилгээ
• Бусад дотоод бүтээгдэхүүн

БАЙГУУЛЛАГЫН ХАЯГ:

Монгол Улс, Увс аймаг, Улаангом сум 3-р баг АЗДТГ.  Утас:  70453317, 70453721, 70454721, 70453799