ҮНДЭСНИЙ АУДИТЫН ГАЗРЫН ХАРЬЯА СҮХБААТАР АЙМГИЙН АУДИТЫН ГАЗРЫН ТОВЧ ТАНИЛЦУУЛГА

——————————————————————————————————————————————————

              Монгол улсын Ерөнхийлөгчийн санаачилснаар 1995 оны 3 дугаар сарын 27-ны өдөр “Төрийн хяналт шалгалтын тухай хууль” батлагдаж Монгол улсад төрийн хяналтын тогтолцоог дахин бий болгов. Энэ хуулиар төрийн хянан шалгах хороо, аймаг нийслэлийн хянан шалгах хороодын чиг үүрэг, бүрэн эрхийг хуульчлан баталгаажуулжээ.

Аймгийн Хянан шалгах хороо 1999-2001 онд системийн хэмжээнд тогтмол эхний байранд шалгарч байсны дотор 2000, 2001 онд ажлаараа тэргүүлж байлаа.

“Төрийн аудитын тухай” хууль батлагдсанаар 2003 оноос Аймгийн аудитын газар шинэ бүтэц зохион байгуулалтанд орж, ерөнхий аудитороор Н.Мөнхнар, ахлах аудитороор М.Мөнгөнцэцэг, аудитор, шинжээчээр З.Алтантуяа, М.Нарантуяа, Р.Лхамсүрэн, Ш.Содном-Иш, бичиг хэргийн эрхлэгчээр Б.Ариунсанаа, жолоочоор Ш.Самбуу нар ажиллаж байсан.

Монгол улсын Ерөнхий аудиторын 2014 оны 1 дүгээр сарын 17-ны өдрийн 05 тоот тушаалаар төрийн аудитын орон нутаг дахь салбар байгууллага болгон өөрчилж, ҮАГ-ын харьяа Сүхбаатар аймгийн аудитын газар нэртэйгээр ажиллаж байна. Мөн МУ-ын Ерөнхий аудиторын 2014 оны 1 дүгээр сарын 30-ны өдрийн 22 тоот тушаалын 2, 3-р хавсралтаар чиг үүрэг, бүтэц өөрчлөгдөн, 12 орон тоотойгоор үйл ажиллагаа явуулж байна.

2016 онд санхүүгийн тайлангийн аудитаар 167 байгууллагыг түүвэрт хамруулж, 66 байгууллагын санхүүгийн тайланд дүгнэлт өгч, нэгдсэн төлөвлөгөө болон аймгийн ИТХ-ын хүсэлтээр 7 гүйцэтгэлийн аудит, 8 нийцлийн аудитыг тус тус хийж гүйцэтгэсэн байна. Эдгээр аудитаар 646.0 сая төгрөгийн акт тогтоож, 14,988.7 сая төгрөгийн албан шаардлага хүргүүлж, 97 зөвлөмж өгч ажиллаа. Мөн тайлант онд 746.4 сая төгрөгийн үр өгөөж харилцагч байгууллагаар хүлээн зөвшөөрөгдсөн байна.

              ЭРХЭМ ЗОРИЛГО

“Улсын Их Хурал хяналтын чиг үүргээ хэрэгжүүлэх болон төсвийн хөрөнгийн арвилан хэмнэлт, үр ашиг, нөлөөтэй байдлыг хангахад дэмжлэг үзүүлэх

              2017 ОНЫ ЗОРИЛТ

“Төрөлжсөн аудитын үр дүнг чанаржуулж аудитын стандарт бодлого арга зүйг сурталчилах”

              ХҮНИЙ НӨӨЦ

Нийт ажиллагсад – 12

Үүнээс: 50% буюу 6 албан хаагч Монгол Улсын Мэргэшсэн нягтлан бодогч

Удирдлагын ухааны магистр 2, бизнесийн ухааны магистр 2 ажиллаж байна.

Төрийн дээд шагнал Хөдөлмөрийн хүндэт медалиар 3, Ардын хувьсгалын ойн медальтай 4, төрийн хяналтын тэргүүний ажилтан 5, Санхүү банкны тэргүүний ажилтан 4, Хууль зүйн албаны тэргүүний ажилтан 1, Эрүүлийг хамгаалахын Тэргүүний ажилтан 1, Сангийн яамны хүндэт жуух бичигтэн 3, Сангийн яамны 100 жилийн ойн медаль 3, МЗХ-ны тэргүүний залуу алтан медаль 1, Сангийн яамны хүндэт тэмдэг 2, ММНБИ-ийн хүндэт тэмдэг 2, Хүндэт өргөмжлөл 1, аймгийн Банк санхүүгийн тэргүүний ажилтан 1 хүн тус тус шагнагдсан байна.

             ХАЯГ, ХОЛБОО БАРИХ УТАС

Монгол Улс, Сүхбаатар аймаг, Баруун-урт сум, 7-р баг, Нутгийн удирдлагын ордон, өрөөний № 225, 226 тоот. Утас 70518396, 70512123, 70512127