МОНГОЛ УЛСЫН БОЛОН ОРОСЫН ХОЛБООНЫ УЛСЫН АУДИТЫН ДЭЭД БАЙГУУЛЛАГУУДЫН ХАМТАРСАН АУДИТЫН ДҮНГИЙН ХУРАЛДААН АМЖИЛТТАЙ ЗОХИОН БАЙГУУЛАГДАЖ ӨНДӨРЛӨЛӨӨ.

Монгол Улсын Үндэсний аудитын газраас ОХУ-ын Тооцооны танхимтай хамтран Монгол-Оросын хамтарсан “Эрдэнэт үйлдвэр” ХХК-ий 2012-2013 он, 2014 оны эхний 9 сарын үйл ажиллагаанд аудит хийж, хамтарсан аудитын төлөвлөгөө, хөтөлбөрийн дагуу нэгдсэн тайлангийн дүнг хэлэлцэн, тайланг баталгаажуулж МУ-аас Монгол Улсын Ерөнхий Аудитор А.Зангад, ОХУ-ын Тооцооны танхимын аудитор А.И.Жданьков нар гарын үсэг зурлаа.

Төрийн аудитын байгууллага ОХУ-ын Тооцооны танхимтай хамтран “Эрдэнэт үйлдвэр” ХХК- ийн үйл ажиллагаанд 3 дахь хамтарсан аудитыг хийж гүйцэтгэлээ.

Монгол- Оросын хамтарсан “Улаанбаатар төмөр зам”  ХНН-ийн үйл ажиллагаанд, 2 улсын хувь нийлүүлсэн хөрөнгийн зарцуулалтын үр дүнг үнэлэх чиглэлээр хамтарсан аудит хийхээр төлөвлөн, хөтөлбөр төлөвлөгөөг баталгаажуулан МУ-аас Төрийн Аудитын Байгууллагын Дэд дарга, тэргүүлэх аудитор Б.Баттуяа, ОХУ-ын Тооцооны танхимын аудитор А.И.Жданьков нар гарын үсэг зурж, энэ оны 4 сард “Улаанбаатар төмөр зам” ХНН-ийн үйл ажиллагаанд Монгол- Оросын хамтарсан аудитыг давтан 3 дахь удаагаа хийхээр боллоо.