Дорнод аймаг дахь Төрийн аудитын газар “Хүүхдүүдээ хүлээн авлаа”

         Төрийн аудитын газрын эрхэмсэг үрсдээ энэ сайхан өдрийн мэндийг дэвшүүлье.

Айл гэрийн амин эрдэнэ, эх орны баясгалант ирээдүй-хүүхэд багачууд Та бүхэндээ Олон улсын Хүүхдийн эрхийг хамгаалах өдөр, Хүүхдийн баярын халуун мэндчилгээг дэвшүүлж, сурч мэдэх, сайн хүмүүн болох аяны тань харгуйд амжилт хүсэн ерөөе!

Дорнод аймаг дахь Төрийн аудитын газар Олон улсын Хүүхдийн эрхийг хамгаалах өдөр, Хүүхдийн баярыг тохиолдуулан байгууллагын ажилтнуудын хүүхдүүдийг 2017.05.31-ний өдөр хүлээн авч баярлууллаа. Үүнд гар зургийн уралдаан, бяцхан багачуудын авяасыг нь үзүүлж мөн 10 төрлийн номинаци шалгаруулж баярын бичиг, медал, гарын бэлэг гардууллаа.

Улсын сайн хүнээсээ, хүний сайн хүүхдээсээ гэдэг. Монгол ёс уламжлалаа мэддэг, ахас дээдсээ хүндэлдэг, хүмүүнлэг, өөрийнхөө эрхийг бусдын эрхээр хязгаарлаж чаддаг, зөвд зөөлөн, бурууд хатуу, байгал эх дэлхийгээ хайрлан хамгаалдаг зөв монгол хүн байхын тулд хүүхэд бүр өөрийн гэсэн хүсэл тэмүүлэлтэй, түүндээ хүрэх чин зорилготой, зорилго бүр нь амжилттай гэрэл гэгээ дүүрэн байх учиртай.

ДОРНОД АЙМАГ ДАХЬ ТӨРИЙН АУДИТЫН ГАЗАР