Улс, орон нутгийн төсвийн хөрөнгөөр 2014 онд санхүүжүүлсэн хөрөнгө оруулалтын төсөл, арга хэмжээний хэрэгжилт, үр дүнд хийх аудитын явцын талаар
Гүйцэтгэлийн аудитын газраас улс, орон нутгийн төсвийн хөрөнгөөр 2014 онд санхүүжүүлсэн хөрөнгө оруулалтын төсөл, арга хэмжээний хэрэгжилт, үр дүнд хийж буй аудитыг нэгдсэн удирдамжаар гүйцэтгэж байгаа бөгөөд одоогоор аудитын талбарын үе шатны ажлаар зарим төсөл арга хэмжээний хэрэгжилтийг баталгаажуулах ажил хийгдэж байна.
Энэ жилийн хөрөнгө оруулалтын аудитаар төсөл, арга хэмжээний төлөвлөлт, гүйцэтгэл, худалдан авах ажиллагааны мэдээллийг цахим системд оруулах зорилгоор мэдээллийн санд оруулах үзүүлэлтүүд, түүний эх сурвалжийг тодорхойлох, оруулсан мэдээллээ хэрхэн боловсруулах зэрэг ажлуудыг хийж, цахим системийг үйл ажиллагаандаа ашиглаж эхлээд байна.
Энэ нь цаг хугацаа хэмнэж, аудитор шинжээчдийн ажлыг хөнгөвчлөх бөгөөд хөрөнгө оруулалтын төсөл арга хэмжээний цахим архив үүсгэх, аудитын дүнг тайлагнах, танилцуулахад давуу талыг бий болгох юм.
