ҮНДЭСНИЙ АУДИТЫН ГАЗРЫН 2015 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙХ НИЙЦЛИЙН АУДИТЫН ЯВЦЫН ТАЛААР

УИХ-ын Байнгын Хорооноос Засгийн газарт өгсөн үүрэг даалгаваруудын хэрэгжилтэд хийсэн аудитын тайланг тайлагналын үе шатанд орууллаа.

Монгол Улсын Ерөнхий сайдын 2013 оны төсвийн багцаас хэрэгжүүлсэн зарим аймгуудын нэгдсэн оношлогооны төвүүдэд хөрөнгө оруулалтаар нийлүүлэгдсэн эмнэлгийн тоног төхөөрөмж, барилгын зарим засварын ажлын аудитыг нэгдсэн төлөвлөгөөгөөр хийж, холбогдох 12 аймгуудаас тайлан болон судалгааг хүлээн авч, нэгтгэн тайлагналын үе шатанд орсон байна.

Газар тариалангийн хуулийн хэрэгжилт, үр дүнд хийх аудит тайлагналын үе шатандаа явагдаж байна.

Газрын тосны хуулийн хэрэгжилт, төлбөр тооцооны байдалд хийх аудитыг объект дээр очиж, ажиллан, нотлох баримт материал цуглуулах ажил дуусаж, тайлан бичигдэж, 2 акт, 11 албан шаардлагыг холбогдох байгууллага, албан тушаалтанд өгсөн болно.

МҮОНРТ-ийн 2012-2014 оны улсын төсвөөс олгосон хөрөнгийн зарцуулалтын байдалд хийх аудитыг объект дээр очиж, ажиллан, нотлох баримт материал цуглуулах ажил дуусаж, тайлан бичигдэж байна.