Монгол Улсын Ерөнхий Аудитор, БНХАУ-ын Ерөнхий Аудитор хамтран ажиллах санамж бичигт гарын үсэг зурлаа
Монгол Улсын Ерөнхий аудитор А.Зангад Бүгд Найрамдах Хятад Ард Улсын Ерөнхий аудитор Лиу Жиаеигийн урилгаар тус улсад албан айлчлал хийлээ.
Тус айлчлалын үеэр хоёр орны Аудитын дээд байгууллагын тэргүүнүүд хамтран ажиллах тухай харилцан ойлголцлын санамж бичигт гарын үсэг зурсан.
Энэ хүү санамж бичигт талууд бүрэн эрхийнхээ хүрээнд дараах үндсэн чиглэлээр хамтран ажиллах юм.
Төрийн аудитын арга зүйг боловсронгуй болгох асуудлаар харилцан туршлага солилцох; Мэргэжлийн сургалтын тогтолцоог боловсронгуй болгох болон боловсон хүчний мэргэшлийг дээшлүүлэх; Талуудын үйл ажиллагааны талаарх мэдээлэл солилцох; Монгол Улсын хууль тогтоомж болон БНХАУ-ын хууль тогтоомжийн хүрээнд хамтарсан судалгааны төсөл, зэрэгцээ болон хамтарсан хяналт шалгалтыг зохион байгуулах; ИНТОСАИ, АСОСАИ-н хүрээнд хамтран ажиллах цар хүрээг өргөжүүлэх, хамтын ажиллагааг бэхжүүлэх болон өөрсдийн үзэл бодлоо солилцох, Хамтын ажиллагааны хүрээнд тодорхой чиглэлээр төсөл, хөтөлбөр боловсруулж, хэрэгжүүлэх зэрэг олон шинэ боломж бий болох юм.