ГОВЬ-АЛТАЙ АЙМАГ ДАХЬ ТӨРИЙН АУДИТЫН ГАЗРЫН 2017 ОНД ХИЙСЭН САНХҮҮГИЙН ТАЙЛАНГИЙН АУДИТЫН ТАНИЛЦУУЛГА

Санхүүгийн тайлангийн аудитын танилцуулга

 Санхүүгийн тайлангийн аудит нь аудит хийлгэсэн байгууллагын санхүүгийн байдал, үйл ажиллагааны үр дүн цэвэр хөрөнгө, өмчийн өөрчлөлтийн  болон мөнгөн гүйлгээний тайланг Нягтлан бодох бүртгэлийн нийтээр хүлээн зөвшөөрсөн зарчимууд, Нягтлан Бодох Бүргэлийн Олон Улсын стандартад нийцүүлэн үнэн зөв гаргасан эсэх талаар дүгнэлт гаргаж баталгаажуулах зорилготой.

Аудит хийхдээ Төсвийн тухай, Төрийн аудитын тухай, Нягтлан бодох бүртгэлийн тухай хуулиуд болон холбогдох бусад хууль, тогтоомжийн хүрээнд Аудитын олон улсын стандарт, Санхүүгийн аудитын удирдамж – Аудитын дээд байгууллагуудын олон улсын стандарт 1000 – 1810, 4100-4200, нийтээр хүлээн зөвшөөрсөн бусад зарчмуудад тулгуурлаж гүйцэтгэлээ.

Төрийн аудитын тухай хуулийн 18 дугаар зүйлийг хэрэгжүүлэх зорилгоор мөн хуулийн  15 дугаар зүйлд заасан эрх үүргийн хэмжээнд  Төсвийн тухай хуулийн 8.9 дэхь заалтад хамрагдах 193 байгууллагын  273 санхүүгийн тайланд баталгаажуулах аудит хийхээс 135 санхүүгийн тайланд аймаг дахь Төрийн аудитын газрын аудитор, шинжээч нар, 27  санхүүгийн тайланд хувийн аудитын компаниар гэрээний үндсэн дээр аудит хийлгэхээр, ТЕЗ-ийн нэгтгэсэн тайлангаар 79 санхүүгийн тайланд түүвэрт хамруулахаар, 32 санхүүгийн тайланд итгэл үзүүлэхээр МУ-ын Ерөнхий аудиторын тушаалаар батлагдсан байна.