ТӨРИЙН АУДИТЫН БАЙГУУЛЛАГА УИХ-Д АЖЛАА ТАЙЛАГНАЛАА
2015.04.14-ны өдөр УИХ-ын Төсвийн байнгын хорооны хуралдаанаар Төрийн Аудитын Байгууллагын 2014 оны үйл ажиллагааны тайланг хэлэлцлээ.
Тус хуралдаанд МУЕА А.Зангад, ҮАГ-ын дэд дарга, тэргүүлэх аудитор, ҮАГ- ын ерөнхий менежер, Стратегийн удирдлагын газрын дарга, тэргүүлэх аудитор, Тамгын газрын дарга, Санхүүгийн аудитын газрын дарга, тэргүүлэх аудитор, Нийцлийн аудитын газрын дарга, тэргүүлэх аудитор, Гүйцэтгэлийн аудитын газрын дарга, тэргүүлэх аудитор нар оролцлоо.
Хуралдаанд МУЕА А.Зангад Төрийн аудитын тухай хуульд заасны дагуу төрийн аудитын төрөлжсөн болон орон нутаг дахь харьяа байгууллагуудыг шинэчлэн нэгдмэл үйл ажиллагаатай нэг системийн зохион байгуулалтад оруулан Төсвийн аудитын тухай хууль, Төсвийн тухай хууль ,УИХ-ын тогтоол, УИХ-ын Төсвийн Байнгын хорооны тогтоолоор сэдвийг нь баталсан аудитуудыг гүйцэтгэхэд санхүү, хүн хүч, цаг хугацааны нөөцийг бүрэн төвлөрүүлэн ажилласан, Мөн жил бүр хийдэг хуулиар тогтоосон хугацааны цагалбартай Засгийн газрын санхүүгийн нэгдсэн тайлангийн, Нэгдсэн төсвийн гүйцэтгэлийн, Улсын төсвийн хөрөнгө оруулалтын, Эдийн засаг, нийгмийг хөгжүүлэх үндсэн чиглэлийн зэрэг томоохон аудитыг хугацаанд нь гүйцэтгэж УИХ-д тайлагнасан талаар мөн өнгөрсөн оны онцлох ажлууд болон 2015 онд хэрэгжүүлэхээр төлөвлөж буй гол ажлуудынхаа талаар танилцууллаа.
Хуралдаан олон асуулт хариултаар үргэлжлэж, УИХ-ын Төсвийн байнгын хорооны гишүүд Төрийн аудитын байгууллагын 2014 оны үйл ажиллагаанд хангалттай гэсэн үнэлгээ өглөө.
