Хөвсгөл аймгийн аудитын газрын аудитор, шинжээч нар сумдад ажиллалаа

“Улс, орон нутгийн төсвийн хөрөнгөөр 2014 онд санхүүжүүлсэн хөрөнгө оруулалтын төсөл, арга хэмжээний хэрэгжилт, үр дүн”-д гүйцэтгэлийн, “ОНХС-ийн 2014 оны зарцуулалтын байдал”-д нийцлийн гэсэн хоёр аудитын хүрээнд Аймгийн тэргүүлэх аудитор Г.Оюунгэрэл, ахлах аудитор Б.Тэгшдэлгэр, Шинжээч Б.Сандуйжав нар Их-Уул, Тосонцэнгэл, Рашаант, Тариалан зэрэг сумдад 2015.03.11-ээс 2015.03.16-ны хооронд ажиллалаа. Уг аудитын хүрээнд аймгийн засаг даргатай хамтарсан гэрээ байгуулж өмнөх онуудад хэрэгжсэн төсөл арга хэмжээний чанарт хяналт хийж дүгнэлт гаргаж зөрчил дутагдлуудыг арилгуулахаар Аймгийн ЗДТГ-ын хөгжлийн бодлогын хэлтсийн дарга Х.Ган-Очир, газрын харилцаа барилга хот байгуулалтын газрын Барилгын албаны дарга н.Цолмон нартай хамтран ажиллалаа. Мөн шаардлагатай тохиолдолд гүйцэтгэгч зураг төсвийн байгууллагуудыг оролцуулан арга хэмжээг авч ажиллаж байна. Цаашид Аймгийнхаа бүх сумдыг хамруулан ажиллахаар төлөвлөж байна.