ТӨРИЙН АУДИТЫН БАЙГУУЛЛАГА СУРГАЛТ, ХӨГЖЛИЙН ИЖ БҮРЭН СТРАТЕГИТАЙ БОЛНО
Дэлхийн банкны буцалтгүй тусламжаар хэрэгжиж буй Үндэсний аудитын газрын чадавхийг бэхжүүлэх төслийн хүрээнд Төрийн аудитын байгууллагын сургалт, хөгжлийн стратеги болон төлөвлөгөөг боловсруулахаар Их Британи Умард Ирландын Нэгдсэн Вант Улсын “Хөгжлийн үйл ажиллагаа” зөвлөх компанийн ахлах зөвлөх ноён Давид Голдсворфи болон хатагтай Силвиа Стефанони нар Үндэсний аудитын газарт 2017 оны 6 дугаар сарын 24-нөөс 7 дугаар сарын 8-ны өдрүүдэд ажиллаж байна.
Энэхүү ажлын хүрээнд олон улсын зөвлөхүүд Төрийн аудитын байгууллагын удирдлага, ажилтнуудаас гадна харилцагч байгууллагуудын төлөөлөлтэй уулзаж, санал солилцлоо.
Төрийн аудитын байгууллагын сургалт, хөгжлийн стратегийг боловсруулснаар Монгол Улсын аудитын салбарт ажиллаж байгаа хүний нөөцийг сургах, хөгжүүлэх, чадавхжуулах иж бүрэн цогц стратегитай болох юм.
