Дундговь аймаг: Гүйцэтгэлийн аудитуудын тайлангийн төсөл баталгаажуулах удирдлагын зөвлөлийн хурал хийлээ
14:17 08 сарын 01 өдөр 2017 он
Аймгийн иргэдийн Төлөөлөгчдийн Хурлын саналыг үндэслэн Дундговь аймаг дахь Төрийн аудитын газрын 2017 оны бүтээгдэхүүн, ажил, үйлчилгээний төлөвлөгөөний дагуу Төрийн аудитын тухай хуулиар тодорхойлсон бүрэн эрхийн хүрээнд “Сум хөгжүүлэх сангийн зарцуулалт, үр дүн”, “Авто замын сангийн хөрөнгийн зарцуулалт, үр дүн”-д гүйцэтгэлийн аудит хийж, тайлангийн төслийг баталгаажуулахаар удирдлагын зөвлөлийн хурал хийлээ.
Хуралд аймгийн Хөрөнгө оруулалт, хөгжлийн бодлого, төлөвлөлтийн хэлтсийн дарга Н.Эрдэнэ-Очир, Орон нутгийн өмчийн газрын мэргэжилтэн М.Бат-Эрдэнэ, Санхүү, төрийн сангийн хэлтсийн төсвийн мэргэжилтэн Н.Сүхбаатар, Хүнс, хөдөө аж ахуйн газрын мэргэжилтэн Ж.Мөнхбаяр нар оролцлоо.
