ЗҮҮН БҮСИЙН СУРГАЛТ ЭХЭЛЛЭЭ

Өнөөдөр буюу 2017 оны 09 дүгээр сарын 20-ны өдөр зүүн бүсийн сургалт Хэнтий аймгийн Чингис хотод эхэллээ.

Уг сургалтад Дорнод, Дорноговь, Сүхбаатар, Хэнтий аймаг дахь Төрийн аудитын байгууллагын 55 албан хаагч оролцож байна. Сургалтыг нээж Стратегийн удирдлагын газрын дарга Д.Энхболд үг хэлэв. Нээлтэнд аймгийн ИТХ-ын  дарга Л.Батсайхан, аймгийн засаг дарга Н.Ганбямба нар оролцлоо.

Сургалт “Санхүүгийн аудитын залилантай холбоотой аудиторуудын хүлээх үүрэг, аудитыг төлөвлөх, гүйцэтгэх үеийн материаллаг байдал болон эрсдэлийн үнэлгээ, гүйцэтгэл болон нийцлийн аудитын түүвэрлэлт, аудитын дүгнэлт, зөвлөмж боловсруулах, байгууллагын хүний нөөцийн бодлого, дотоод аудит, мониторинг хийх журам, шинэчлэгдэн батлагдсан хууль, дүрмийн танилцуулга,  СТАУС програмын сургалт, чанарын баталгаажуулалт” зэрэг тусгайлсан хөтөлбөрийн дагуу явагдах юм.