БАРУУН БҮСИЙН СУРГАЛТ ЭХЭЛЛЭЭ

Баруун бүсийн сургалт өнөөдөр буюу 2017 оны 09 дүгээр сарын 27-ны өдөр Завхан аймгийн Улиастай хотод эхэллээ. Тус сургалтад Баян-Өлгий, Баянхонгор, Говь-Алтай, Завхан, Увс, Ховд аймаг дахь Төрийн аудитын байгууллагын нийт 63 албан хаагч оролцож байна. Сургалт таван хоног үргэлжилнэ.

Сургалтыг нээж Монгол Улсын Ерөнхий аудиторын орлогч С.Бүрэнбат үг хэллээ.

Сургалт “Санхүүгийн аудитын залилантай холбоотой аудиторуудын хүлээх үүрэг, аудитыг төлөвлөх, гүйцэтгэх үеийн материаллаг байдал болон эрсдэлийн үнэлгээ, гүйцэтгэл болон нийцлийн аудитын түүвэрлэлт, аудитын дүгнэлт, зөвлөмж боловсруулах, байгууллагын хүний нөөцийн бодлого, дотоод аудит, мониторинг хийх журам, шинэчлэгдэн батлагдсан хууль, дүрмийн танилцуулга, СТАУС програмын сургалт, чанарын баталгаажуулалт” зэрэг тусгайлсан хөтөлбөрийн дагуу явагдах юм.