ХАНГАЙН БҮСИЙН СУРГАЛТ ЭХЭЛЛЭЭ

Үндэсний аудитын газраас зохион байгуулж байгаа “Хангайн бүсийн сургалт” 2017 оны 09 дүгээр сарын 27-ны өдөр Дархан-Уул аймагт эхэллээ.

Сургалтад Дархан-Уул, Орхон, Сэлэнгэ, Хөвсгөл, Булган аймаг дахь Төрийн аудитын байгууллагын 60 албан хаагч оролцож байна.

Бүсийн сургалтыг Үндэсний аудитын газрын Санхүүгийн аудитын газрын захирал, тэргүүлэх аудитор Ц.Наранчимэг нээж үг хэллээ.

Сургалтад Үндэсний аудитын газрын албан хаагчид сургагч багш нар “Санхүүгийн залилантай холбоотой аудиторуудын хүлээх үүрэг, аудитыг төлөвлөх, гүйцэтгэх үеийн материаллаг байдал болон эрсдлийн үнэлгээ, гүйцэтгэл болон нийцлийн аудитын түүвэрлэлт, аудитын дүгнэлт, зөвлөмж боловсруулах”, “Төрийн аудитын байгууллагын хүний нөөцийн бодлого, зохицуулалт”, “Байгууллагын архив, албан хэрэг хөтлөлт”, “Дотоод аудит, мониторинг хийх журам, инэчлэн батлагдсан хууль, дүрмийн танилцуулга”, “СТАУС програмын сургалт, чанарын баталгаажуулалт” гэсэн сэдвүүдээр тусгайлсан хөтөлбөрийн дагуу явуулж байна.

Сургалтын үеэр Дархан-Уул аймгийн ИТХ-ын дарга Г.Эрдэнэбат Үндэсний аудитын газрын Санхүүгийн аудитын газрын захирал, тэргүүлэх аудитор Ц.Наранчимэгийг хүлээн авч уулзаж сургалтын явц байдлын талаар танилцаж санал солилцлоо.

Сургалтын үйл ажиллагаанд Дархан-Уул аймаг дахь хэвлэл мэдээллийн хэрэгслүүд оролцож мэдээллийг орон нутагт  дамжуулж байна.