Говь-Алтай аймаг дахь Төрийн аудитын газар “Баруун бүсийн сургалт”-д оролцлоо.
Төрийн аудитын байгууллагын ажилтны Мэргэжлийн тасралтгүй сургалтын хөтөлбөрийн хүрээнд зохиогдсон Баруун бүсийн сургалт Завхан аймгийн Улиастай хотод 2017 оны 09 дүгээр сарын 27-ны өдрөөс 30-ны өдрийн хооронд амжилттай зохион байгууллаа. Тус сургалтад Баян-Өлгий, Баянхонгор, Говь-Алтай, Завхан, Увс, Ховд аймаг дахь Төрийн аудитын байгууллагын нийт 63 албан хаагч оролцлоо.
Сургалт “Санхүүгийн аудитын залилантай холбоотой аудиторуудын хүлээх үүрэг, аудитыг төлөвлөх, гүйцэтгэх үеийн материаллаг байдал болон эрсдэлийн үнэлгээ, гүйцэтгэл болон нийцлийн аудитын түүвэрлэлт, аудитын дүгнэлт, зөвлөмж боловсруулах, байгууллагын хүний нөөцийн бодлого, дотоод аудит, мониторинг хийх журам, шинэчлэгдэн батлагдсан хууль, дүрмийн танилцуулга, СТАУС програмын сургалт, чанарын баталгаажуулалт” зэрэг тусгайлсан хөтөлбөрийн дагуу явагдсан юм.
Энэ үеэр “гар бөмбөг”-ийн тэмцээн явагдаж манай байгууллага тэргүүн байр эзэллээ.
ГОВЬ-АЛТАЙ АЙМАГ ДАХЬ ТӨРИЙН АУДИТЫН ГАЗАР
