“ГАЗРЫН ТОСНЫ ӨРТӨГ НӨХӨХ ЗАРДАЛД БАТАЛГААЖУУЛАЛТ ХИЙХ” АУДИТ ЭХЛЭХТЭЙ ХОЛБООТОЙГООР СУРГАЛТ ЗОХИОН БАЙГУУЛЛАА

УИХ-ын Төсвийн байнгын хорооны 2017 оны 02 дугаар тогтоолыг үндэслэн Монгол Улсын Ерөнхий аудиторын 2017 оны А/12 тушаалын дагуу Төрийн аудитын байгууллагын 2017 онд хийх аудитын төлөвлөгөөг баталсан. Үндэсний аудитын газар нь энэхүү төлөвлөгөөний дагуу, Газрын тосны тухай хуулийн 37.1-д заасан бүрэн эрхийнхээ хүрээнд “Газрын тосны өртөг нөхөх зардалд баталгаажуулалт хийх” аудитыг хийх гэж байна.

Тус аудит эхлэхтэй холбогдуулан Ашигт малтмал, газрын тосны газрын Төрийн захиргааны удирдлагын хэлтсийн мэргэжилтэн Б.Оюун Монголын газрын тосны салбарын өнөөгийн байдал, хууль, эрхзүйн орчин, олон улсын жишиг гэх мэт мэдээллийг өгч, сургалт зохион байгууллаа.

Энэхүү сургалтад “Газрын тосны өртөг нөхөх зардалд баталгаажуулалт хийх” аудитын ажлын хэсгийн ахлагч Монгол Улсын ерөнхий аудиторын орлогч С.Оюунбилэг, Санхүүгийн аудитын газрын захирал Ц.Наранчимэг, Чанарын баталгаажуулалтын албаны дарга, албан хаагчид болон Нийцлийн аудитын газрын аудиторууд оролцлоо.