ДОТООД СУРГАЛТ ЗОХИОН БАЙГУУЛЛАА

Төрийн аудитын байгууллагын 2017 оны үйл ажиллагааны төлөвлөгөөний дагуу Үндэсний аудитын газрын Санхүүгийн аудитын газрын нэгдүгээр алба газрын болон аудиторуудын үйл ажиллагааны төлөвлөгөөнд тусгагдсан дотоод сургалтуудаа хуваарийн дагуу зохион байгуулж байна.  Энэ хүрээнд 2017 оны 10 дугаар сарын 13-нд СТАУС-д аудитын ажилбаруудыг хэрэгжүүлэх, чанарын хяналт хийх аргачлал, системийн хэрэглээний талаар ахлах аудитор Ж.Батсайхан, ахлах аудитор Ц.Хосжаргал, Microsoft Excel программын хэрэглээ, хүснэгтэн мэдээлэлд анализ хийх, мэдээлэл шуурхай боловсруулах зэрэг аргачлалыг аудитор Б.Уянга нар танилцуулж, сургалтыг удирдан явууллаа.

Сургалтад Санхүүгийн аудитын газрын захирал, тэргүүлэх аудитор Ц.Наранчимэг, албаны аудитын менежер, ахлах аудитор, аудиторууд оролцлоо.