ТӨРИЙН АУДИТЫН БАЙГУУЛЛАГЫН АЛБАН ХААГЧДЫН ЧАДАВХИЙГ БЭХЖҮҮЛЭХ БҮСЧИЛСЭН СУРГАЛТУУД АМЖИЛТТАЙ ДУУСЛАА
09:14 10 сарын 24 өдөр 2017 он
Төрийн аудитын байгууллагын ажилтны мэргэжлийн тасралтгүй сургалтын дагуу Дэлхийн банкны буцалтгүй тусламжаар хэрэгжүүлж буй Үндэсний аудитын газрын чадавхийг бэхжүүлэх төслийн хүрээнд албан хаагчдын ур чадвар, мэргэшлийг дээшлүүлэх Төвийн бүсийн сургалтыг Зэвсэгт хүчний сургалтын нэгдсэн төвд зохион байгууллаа.
Тус сургалтад Үндэсний аудитын газар болон Нийслэл дэх Төрийн аудитын газрын нийт 149 албан хаагч оролцсон бөгөөд санхүү, гүйцэтгэл, нийцлийн аудитын стандарт, төлөвлөлт, гүйцэтгэл болон шинэчлэгдэн батлагдсан хууль, дүрэм журмын талаарх мэдээллийг өглөө.
Энэхүү бүсчилсэн сургалтыг таван бүсд хуваан зохион байгуулсан бөгөөд Завхан, Хэнтий, Дархан-Уул, Төв аймаг, Үндэсний аудитын газарт хуваарийн дагуу амжилттай явуулж дууслаа.
