ҮНДЭСНИЙ АУДИТЫН ГАЗРЫН БАЙГУУЛЛАГЫН СПОРТЫН АВАРГУУД ТОДОРЛОО
Төрийн аудитын байгууллагын албан хаагчдын ур чадвар, мэргэшлийг дээшлүүлэх Төвийн бүсийн сургалтын үеэр Үндэсний аудитын газрын Гүйцэтгэлийн аудитын газрын нэрэмжит сагсан бөмбөгийн тэмцээнийг зохион явууллаа.
Уг тэмцээнд 12 баг оролцсоноос Үндэсний аудитын газрын Ц.Наранчимэг захиралтай Санхүүгийн аудитын газар эрэгтэй, эмэгтэй төрөлд нэгдүгээр байр, М.Давааням захиралтай Гүйцэтгэлийн аудитын газар эрэгтэй төрөлд хоёр, эмэгтэй төрөлд гуравдугаар байр, С.Энхбаатар даргатай Нийслэл дэх Төрийн аудитын газар эрэгтэй төрөлд гурав, эмэгтэй төрөлд хоёрдугаар байрыг тус тус эзэллээ.
Мөн Зэвсэгт хүчний 311 дүгээр ангийн нэрэмжит буудлагын тэмцээнийг зохион байгууллаа. Тэмцээний үеэр автомат бууны төрөлд 14 онож болзол хангасан Үндэсний аудитын газрын Нийцлийн аудитын газрын аудитор Ц.Цэрэннамжил, Нийслэл дэх Төрийн аудитын газрын даргын туслах бөгөөд бичиг хэргийн ажилтан Б.Аззаяа нарыг “Онц буудагч” цол тэмдгээр шагналаа.
