ҮНДЭСНИЙ АУДИТЫН ГАЗРЫН НИЙТ АЛБАН ХААГЧИД ГАЛ ТҮЙМРЭЭС УРЬДЧИЛАН СЭРГИЙЛЭХ СУРГУУЛИЛТЫН АРГА ХЭМЖЭЭНД ОРОЛЦЛОО

Монгол Улсын Гамшгаас хамгаалах тухай, Галын аюулгүй байдлын тухай хуулийн хүрээнд Чингэлтэй дүүргийн Онцгой байдлын хэлтсээс Гал түймрийн аюулаас урьдчилан сэргийлэх сургалтын арга хэмжээг зохион явууллаа. Тус арга хэмжээг Засгийн газрын IV байранд зохион байгуулсан бөгөөд Үндэсний аудитын газрын нийт албан хаагчид оролцлоо.

Монголын Улаан загалмайн нийгэмлэгийн арга зүйч, сургагч багш Н.Бямбахишиг анхан шатны тусламж хэрхэн үзүүлэх тухай, Чингэлтэй дүүргийн Онцгой байдлын хэлтсийн мэргэжилтэн Х.Сумьяа галын аюулгүй байдлын талаар албан хаагчдад 2017 оны 11 дүгээр сарын 9-ний өдөр зааварчилгаа өгч, хичээл заалаа.

Харин 2017 оны 11 дүгээр сарын 10-ны өдөр дадлагажуулах сургалтыг Засгийн газрын IV байранд  зохион байгуулж, гал түймрийн үед өөрсдийгөө болон бусдыгаа хэрхэн авран хамгаалах,  эмнэлгийн анхан шатны тусламжийг хэрхэн үзүүлэх талаар албан хаагчид өөрийн биеэр хийж үзүүллээ.