“ТӨРИЙН ОРОН СУУЦНЫ КОРПОРАЦИ” ТӨҮГ-ЫН ҮЙЛ АЖИЛЛАГААНД ХИЙХ ГҮЙЦЭТГЭЛИЙН АУДИТЫН НЭЭЛТИЙН ҮЙЛ АЖИЛЛАГАА БОЛЛОО

УИХ-ын Төсвийн Байнгын хорооны 2017 оны 2 дугаар тогтоол, Монгол Улсын Ерөнхий аудиторын баталсан Төрийн аудитын байгууллагын 2017 оны үйл ажиллагааны төлөвлөгөөний дагуу “Төрийн орон сууцны корпораци” ТӨҮГ-ын үйл ажиллагаанд хийх гүйцэтгэлийн аудитын нээлтийн үйл ажиллагаа өнөөдөр боллоо.

Тус үйл ажиллагаанд Үндэсний аудитын газрын Гүйцэтгэлийн аудитын газрын захирал бөгөөд Тэргүүлэх аудитор М.Давааням, аудитын менежер, ахлах аудитор,  аудиторууд, “Төрийн орон сууцны корпораци” ТӨҮГ-ын захирал Ж.Хичээнгүй, Захиргаа, санхүүгийн газрын дарга Р.Батрагчаа, Барилга, байгууламжийн захиалагчийн газрын дарга М.Оригжав, Орон сууц, ашиглалтын хэлтсийн дарга З.Энх-Оргил, ерөнхий нягтлан бодогч С.Ерөөлт, Хөрөнгө оруулалт, төлөвлөлтийн газрын ахлах мэргэжилтэн М.Уламбаяр нар оролцлоо.

“Төрийн орон сууцны корпораци” ТӨҮГ-ын үйл ажиллагаанд хийх гүйцэтгэлийн аудитыг:

• “Төрийн орон сууцны корпораци” ТӨҮГ нь хууль, эрх зүйн хүрээнд үйл ажиллагаа явуулж байгаа эсэх;
• “Төрийн орон сууцны корпораци” ТӨҮГ чиг үүргээ үр дүнтэй хэрэгжүүлсэн эсэх гэсэн чиглэлээр хийх юм.