Сэлэнгэ аймаг дахь Төрийн аудитын газар- Зөвлөх үйлчилгээний тухай зарлал

ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

 1.Сэлэнгэ аймаг дахь Төрийн аудитын газраас гэрээгээр 2017 оны санхүүгийн тайлангийн аудитыг гүйцэтгэх Зөвлөх үйлчилгээ үзүүлэх хараат бус аудитын хуулийн этгээдийг сонгон шалгаруулж, зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

2.“Санхүүгийн тайланд гэрээгээр аудит хийж гүйцэтгэх ажил”-ыг 2018 оны 03 дугаар сарын 15-нд бүрэн хийж дуусгах болно.

3.Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээлэл /нотлох баримт/-ийн хамт ирүүлнэ үү. Үүнд:

• Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цагалбар хугацаатай нийцсэн эсэх /Тендерийн явцад тусгай зөвшөөрлийн хугацааг сунгуулахаар эрх бүхий байгууллагад хүргүүлсэн байгаа тохиолдолд тухайн байгууллагаас лавлагаа авсан байх/,
• Аудитын компаний захирал нь мэргэшсэн нягтлан бодогчийн хугацаагүй эрхтэй, Монголын мэргэшсэн нягтлан бодогчдын институтээс зохих зөвшөөрөлтэй байх,
• Аудитын хуулийн этгээд нь 2-оос доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх,
• Аудитын компаний захирал болон мэргэшсэн нягтлан бодогчид нь мэргэжлийн ёс зүйн алдаа гаргаагүй талаар ММНБИ-ийн тодорхойлолттой байх
• Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 21 дүгээр зүйлийн 21.1 дэх хэсэгт заасан хориглолт, хязгаарлалтыг зөрчөөгүй байх,
• Аудиторууд нь аудитын ажил хийж гүйцэтгэсэн 2-оос доошгүй жилийн туршлагатай байх,
• Сангийн яам болон бусад мэргэжлийн байгууллагаас хийгдсэн чанарын баталгаажуулалтын дүгнэлт

Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

4.Сонирхсон этгээд нэмэлт мэдээллийг 2017 оны 11 сарын 23-ны  өдрийн 09.00 цагаас эхлэн ажлын өдөр 09.00-18.00 цагийн хооронд авч болох бөгөөд мэдүүлгээ дор дурдсан хаягаар 2017 оны 12 дугаар сарын 01-ний өдрийн 17 цаг 30 минутын дотор ирүүлнэ үү.

Сэлэнгэ аймгийн Засаг Даргын Тамгын газрын өргөтгөлийн 2-р давхарт

Сэлэнгэ аймаг дахь Төрийн аудитын газар

Утас:70362442, 70363036, Факс: 70363040