Говь-Алтай аймаг-Шилэн дансны тухай хуулийн хэрэгжилтэд аудит хийж гүйцэтгэлээ.

ҮАГ-ын нэгдсэн удирдамж төлөвлөгөө, хөтөлбөрийн дагуу Шилэн дансны хуулийн хэрэгжилтэд нийцлийн аудитыг хийж дууслаа. Нийцлийн аудитын тайланг баталгаажуулан ҮАГ болон холбогдох байгууллагуудад хүргүүллээ.

Аймгийн хэмжээнд Шилэн дансны тухай хуулийн 3 дугаар зүйлийн 3.1.1-д заасны дагуу хамрагдах 211 төрийн болон орон нутгийн өмчит хуулийн этгээд үйл ажиллагаагаа явуулж байна. Үүнээс 210 байгууллага нь шилэн дансны нэгдсэн систем болох www.shilendans.gov.mn сайтад өөрийн цэсийг нээлгэсэн байна.

Тагнуулын ерөнхий газрын харьяа Говь-Алтай аймгийн Тагнуулын хэлтэс нь нууцын зэрэглэлтэй гэсэн шалтгаанаар цахим хуудсанд цэс нээлгээгүй байна.^[1] Тагнуулийн байгууллагын үйл ажиллагаа нь Төрийн болон албаны нууцын тухай хуулийн үйлчлэлд хамаарах тул цахим хуудасанд мэдээлэл байршуулах шаардлагагүй гэж үзлээ.[2]

Шилэн дансны тухай хуулийн 3 дугаар зүйлийн 3.1-д заасан байгууллагууд нь хуулийн 6 дугаар зүйлд заасан мэдээллийг байршуулж байгаа боловч зохих ёсоор бүрэн мэдээлээгүй байна.

Шилэн дансны тухай хуулийн хэрэгжилтэд тавих хяналт сул байна.

Өмнөх аудитаар өгөгдсөн шийдвэрийг холбогдох албан тушаалтан хэрэгжүүлж ажилласан боловч энэ онд зөрчил дахин давтагдан гарч байна.

ГОВЬ-АЛТАЙ АЙМАГ ДАХЬ ТӨРИЙН АУДИТЫН ГАЗАР