ГОВЬСҮМБЭР АЙМАГ ДАХЬ ТӨРИЙН АУДИТЫН ГАЗАР – АУДИТЫН ҮЙЛЧИЛГЭЭНИЙ ТУХАЙ ЗАРЛАЛ
10:35 11 сарын 29 өдөр 2017 он
АУДИТЫН ҮЙЛЧИЛГЭЭНИЙ ТУХАЙ ЗАРЛАЛ
- Говьсүмбэр аймаг дахь Төрийн аудитын газар нь ТӨРИЙН БАЙГУУЛЛАГА, ОРОН НУТГИЙН ӨМЧИЙН ОРОЛЦООТОЙ ЭТГЭЭДИЙН САНХҮҮГИЙН ТАЙЛАНД ГЭРЭЭГЭЭР АУДИТ ХИЙХ ХАРААТ БУС АУДИТЫН КОМПАНИЙГ СОНГОН ШАЛГАРУУЛАХ тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.
- Энэхүү үйлчилгээ нь Төрийн аудитын тухай хуулийн 18 дугаар зүйлийн 5–д заасны дагуу Төсвийн захирагчдын санхүүгийн тайланд аудит хийх чиг үүргээ аудитын хуулийн этгээдээр гэрээний үндсэн дээр гүйцэтгүүлэх шаардлагын дагуу зарлагдаж байгаа болно. Аудитын үйлчилгээний гэрээний нийт хугацаа нь 2018 оны 01 дүгээр сарын 01-ний өдрөөс 2018 оны 04 дүгээр сарын 01-ний өдрийн хооронд байна.
- Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах бичиг баримтын баталгаат хуулбарыг Говьсүмбэр аймаг дахь Төрийн аудитын газарт ирүүлнэ. Үүнд:
- Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цаглабар хугацаатай нийцсэн эсэх;
- Аудитын компаний захирал нь мэргэшсэн нягтлан бодогчийн хугацаагүй эрхтэй, Монголын мэргэшсэн нягтлан бодогчдын институтээс зөвшөөрөлтэй эсэх,
- Аудитын хуулийн этгээд нь 2-оос доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх, аудиторууд нь аудитын ажил хийж гүйцэтгэсэн дадлага туршлагатай байх,
- Аудитын компаний захирал болон мэргэшсэн нягтлан бодогчид нь мэргэжлийн ёс зүйн алдаа гаргаагүй талаар ММНБИ-ийн тодорхойлолттой эсэх
- Сүүлийн 2 жилийн ижил төрлийн ажлын туршлагын талаарх мэдээлэл
- Төрийн аудитын байгууллагын захиалгаар сүүлийн 3 жилийн хугацаанд аудитын ажил гүйцэтгэж байсан туршлагатай байх, хэрэв ийм ажил гүйцэтгээгүй бол мөн хугацаанд улсын салбарт ижил төстэй ажил хийсэн туршлагатай байх.
- Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 21 дүгээр зүйлийн 21.1 дэх хэсэг дэх заалтыг зөрчөөгүй байх,
Сонирхсон этгээд нэмэлт мэдээллийг 2017 оны 11 дүгээр сарын 30-ний өдрийн 16 цагийн хооронд авч болох бөгөөд мэдүүлгээ дор дурдсан хаягаар 2017 оны 12 дугаар сарын 05–ны дотор ирүүлнэ үү.
Говьсүмбэр аймаг дахь Төрийн аудитын газар
Утас: 70543156, 70543179, 96001177
Хаяг: Говьсүмбэр аймаг, Сүмбэр сум, 3-р баг
Нутгийн удирдлагын ордон 2 давхар, 205Б тоот
