АУДИТОР Ш.ГҮРПҮРЭВИЙН ХӨДӨЛМӨРИЙГ АЛДАРШУУЛАХ “ХӨДӨЛМӨРИЙН ТҮҮХЭН ЗАМНАЛ” ӨДӨРЛӨГИЙГ ЗОХИОН БАЙГУУЛЛАА
Үндэсний аудитын газрын Санхүүгийн аудитын газрын II албаны аудитор Шагдар овогтой Гүрпүрэвийн хөдөлмөрийг алдаршуулах “ Хөдөлмөрийн түүхэн замнал “ сэдэвт өдөрлөгийг 2017 оны 11 дүгээр сарын сарын 27-ны өдөр зохион байгууллаа.
Өдөрлөгийн үйл ажиллагаанд Үндэсний аудитын газрын Тамгын газрын дарга Ц.Ганболд, Санхүүгийн аудитын газрын захирал бөгөөд тэргүүлэх аудитор Ц.Наранчимэг болон газрын хамт олон, аудитор Ш.Гүрпүрэвийн гэр бүл, Нийслэлийн мэргэжлийн хяналтын газарт хамт ажиллаж байсан хамт олны төлөөлөл оролцов.
Тус өдөрлөг нь Төрийн аудитын байгууллагын залгамж халаа болсон залуу аудиторууд ахмад албан хаагчдын туршлагаас судлах, өөрийн эрхэлж буй ажил, мэргэжлээрээ бахархах, үлгэр дууриалал авахад чухал ач холбогдолтой үйл ажиллагаа боллоо.
