Дорноговь аймаг дахь Төрийн аудитын газар – Зөвлөх үйлчилгээний дэлгэрэнгүй жагсаалтад санал ирүүлэх тухай

Дорноговь аймаг дахь Төрийн аудитын газраас тус аймгийн зарим төсөвт байгууллагуудын 2017 оны санхүүгийн тайлангийн аудитыг гэрээгээр гүйцэтгэх аудитын хуулийн этгээдийг сонгон шалгаруулж, гэрээ байгуулах тул зөвлөх үйлчилгээний дэлгэрэнгүй жагсаалтад орох хүсэлтэй аудитын хуулийн этгээдийг дараах мэдээллийг ирүүлэхийг урьж байна. Үүнд:

1. Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цаглабар хугацаатай нийцсэн байх (тусгай зөвшөөрлийн хугацааг сунгуулахаар эрх бүхий байгууллагад хүргүүлсэн байгаа тохиолдолд тухайн байгууллагаас авсан лавлагаа);
2. Аудитын компанийн захирал нь мэргэшсэн нягтлан бодогчийн хугацаагүй эрхтэй, Монголын Мэргэшсэн Нягтлан Бодогчдын Институтээс зохих зөвшөөрөлтэй байх;
3. Аудитын хуулийн этгээд нь 2-оос доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх (компанийн нийт орон тоо, аудиторуудын шаардлагатай бичиг баримт);
4. Аудитын компанийн захирал болон мэргэшсэн нягтлан бодогчид нь мэргэжлийн ёс зүйн алдаа гаргаагүй талаар ММНБИ-ийн тодорхойлолттой байх;
5. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 21 дүгээр зүйлийн 21.1 дэх хэсэгт заасан хориглолт, хязгаарлалтыг зөрчөөгүй талаарх тодорхойлолт (захирал болон аудиторуудын өмнөх ажил эрхлэлтийн байдал);
6. Төрийн болон орон нутгийн өмчийн хөрөнгөөр бараа ажил үйлчилгээ гүйцэтгэх тухай хуулийн 14 дүгээр зүйлийн 14.1-т заасан нөхцөл үүсээгүй тухай албан бичиг;
7. Үндэсний аудитын газар болон бусад аймгийн Төрийн аудитын газраас 2018 онд хэрэгжүүлэхээр эрх авсан болон сонгон шалгаруулалтанд орохоор материал хүргүүлсэн байгаа зөвлөх үйлчилгээний талаарх мэдээлэл;
8. Төрийн аудитын байгууллагын захиалгаар сүүлийн 5 хүртэлх жилийн хугацаанд гүйцэтгэсэн аудитын ажлын жагсаалт, илрүүлсэн зөрчлийн дүн, өгсөн дүгнэлтийн төрөл, гэрээний үүргийн биелэлтийн талаарх захиалагчийн тодорхойлолт;
9. Үндэсний аудитын газар, Сангийн яам болон бусад байгууллагаас хийгдсэн чанарын хяналтын тайлан дүгнэлт;
10. Үйлчлүүлэгч байгууллагын баримт материалыг хүлээн авах, хадгалах шаардлага хангасан ажлын байр, тоног төхөөрөмжийн жагсаалт (шаардлагатай зарим бичиг баримтын хуулбар);

Чадавхийг нэмэгдүүлж сайжруулах зорилгоор аудитын хуулийн этгээдүүд түншлэлийн хэлбэрээр оролцож болно.

Сонирхсон этгээд нэмэлт мэдээллийг авч болох бөгөөд саналаа дор дурьдсан хаягаар 2017 оны 12 дугаар сарын 13-ны өдрийн 17.00 цагаас өмнө ирүүлнэ үү.

Хаяг: Сайншанд сум 3-р баг, Орон нутгийн өмчийн 3-р байр 201 тоот, утас 7052-3020, 7052-2734

Дорноговь аймаг дахь Төрийн аудитын газар