“ПРОЦЕССИЙН ШИНЖИЛГЭЭ, ЗУРАГЛАЛ” СЭДВЭЭР СУРГАЛТ ЗОХИОН БАЙГУУЛЛАА
15:05 12 сарын 05 өдөр 2017 он
Төрийн аудитын байгууллагын 2017 оны сургалтын чиглэл, ерөнхий төлөвлөгөөний дагуу Үндэсний аудитын газрын ажилтнуудыг мэргэшүүлэх сургалтад хамруулах үйл ажиллагааг хуваарийн дагуу зохион байгуулж байна. Энэ удаа Засгийн газрын хэрэгжүүлэгч агентлаг Удирдлагын академийн ахлах багш Ц.Өнөржаргал, багш С.Баатарсүх нар “Процессийн шинжилгээ, зураглал” сэдэвт сургалтаар системийн орц ба гарц, хувиргах процесс, түүнд нөлөөлөх гадаад, дотоод хүчин зүйлс, процессийн шинжилгээний аргуудыг ашиглах, асуудал шалтгаан үүсгэж буй хүчин зүйлс, үр дүнг тодорхойлох, эрсдлийн шинжилгээ зэрэг ойлголтуудыг танилцууллаа. Тус сургалтад Үндэсний аудитын газрын Гүйцэтгэлийн болон Санхүүгийн аудитын газрын 40 аудитор оролцов.
