ҮНДЭСНИЙ АУДИТЫН ГАЗРЫН АЛБАН ХААГЧДАД САЛБАРЫН ШАГНАЛ ОЛГОХ ҮЙЛ АЖИЛЛАГАА БОЛЛОО

Монгол Улсад Санхүүгийн алба үүсэн байгуулагдсаны 106 жилийн ойн баярын өдрөөр Монгол Улсын Сангийн сайдын 335 тоот тушаалын дагуу Үндэсний аудитын газрын зарим албан хаагчдыг салбарын шагналаар шагнах үйл ажиллагаа  боллоо.

Тодруулбал, “Санхүү, банкны тэргүүний ажилтан” цол тэмдгээр Санхүүгийн аудитын газрын аудитор Н.Нямдавааг,  “Нягтлан бодогчийн тэргүүний ажилтан” тэмдгээр Санхүүгийн аудитын газрын аудитын менежер Я.Самбууням, Г.Гүнжидмаа, С.Оюунгэрэл,  аудитор Ш.Отгонбаяр, Г.Жавхлан нарыг тус тус шагналаа.

Тус үйл ажиллагаанд Монгол Улсын Ерөнхий аудитор Д.Хүрэлбаатар, Үндэсний аудитын газрын Тамгын газрын дарга Ц.Ганболд нар оролцож шагналыг гардуулсан бөгөөд Төрийн аудитын байгууллагын нийт хамт олондоо санхүүчдийн баярын мэндийг хүргэлээ.