Сүхбаатар аймаг: Төрийн болон албан нууцын тухай хууль, тогтоомжийн сургалтад хамрагдлаа.

“Төрийн болон албаны нууцын тухай хууль” шинээр батлагдаж 2017 оны 09 сарын 01-ний өдрөөс хүчин төгөлдөр мөрдөгдөж эхэлсэн. “Төрийн болон албан нууцын тухай хуулийг дагаж мөрдөх журмын тухай хууль” мөн “Журам батлах тухай” Засгийн газрын 2017 оны 09 дүгээр сарын 13-ны өдрийн 246 дугаар тогтоол тус тус батлагдсан. Тагнуулын байгууллагаас шинээр батлагдсан хууль, журмуудыг хэрэгжүүлэхтэй холбогдон “Нэгдсэн сургалт”-ыг улсын хэмжээнд зохион байгуулахаар төлөвлөсний дагуу Сүхбаатар аймаг дахь сургалтыг 2017 оны 11 дүгээр сарын 27, 28-ны өдрүүдэд Сүхбаатар аймгийн Засаг даргын тамгын газрын хурлын зааланд зохион байгуулсан. Энэхүү сургалтад Сүхбаатар аймаг дахь Төрийн аудитын газрын нууц хариуцсан ажилтан, нууцтай танилцах эрх бүхий албан тушаалтнууд бүрэн хамрагдлаа.