Баян-Өлгий аймаг дахь Төрийн аудитын газар-Зөвлөх үйлчилгээний тендерийн зарлал

Баян-Өлгий аймаг дахь Төрийн аудитын газар нь төсвийн байгууллага, төрийн болон орон нутгийн өмчийн оролцоотой аж ахуйн нэгжүүдийн 2017 оны санхүүгийн тайланд гэрээгээр аудит хийх хараат бус аудитын хуулийн этгээдийг сонгон шалгаруулж, зөвлөх үйлчилгээний гэрээ байгуулах тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

1.Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээлэл болон холбогдох бичиг баримтыг нотлох баримтийн хамт ирүүлнэ үү. Үүнд:

• Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цаглабар хугацаатай нийцсэн эсэх,
• Аудитын компанийн захирал нь мэргэшсэн нягтлан бодогчийн хугацаагүй эрхтэй, Монголын мэргэшсэн нягтлан бодогчдын институтээс зохих зөвшөөрөлтэй байх,
• Аудитын хуулийн этгээд нь 2-оос доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх, өөр байгууллагад давхар ажил эрхэлдэггүй байх,
• Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 21 дүгээр зүйлийн 21.1 дэх хэсэгт заасан хориглолт, хязгаарлалтыг зөрчөөгүй байх,
• Төрийн аудитын байгууллагын захиалгаар сүүлийн 3 жил дараалан аудитын ажил гүйцэтгэж байсан туршлагатай байх, хэрэв ийм ажил гүйцэтгээгүй бол мөн хугацаанд бусад ижил төстэй ажил хийсэн туршлагатай байх,
• Үйлчлүүлэгч байгууллагын үйл ажиллагааны болон санхүү, бүртгэлийн баримт материалыг хүлээн авах, хадгалах, аудит хийх шаардлага хангасан ажлын байртай байх.

2.Сонирхсон этгээд мэдүүлгээ дор дурдсан хаягаар 2017 оны 12 дугаар сарын 28-ны өдрийн 10 цагаас өмнө ирүүлнэ үү.

Хаяг:Баян-Өлгий аймгийн Засаг даргын тамгын газрын байрны 1 дүгээр давхар 103, 104 тоот өрөө

Баян-Өлгий аймаг дахь Төрийн аудитын газар Утас:70422954, 70422930