ХАРААТ БУС АУДИТЫН ХУУЛИЙН ЭТГЭЭДИЙН АУДИТОРУУДАД ЗОРИУЛСАН СУРГАЛТ ЭХЭЛЛЭЭ
15:06 12 сарын 25 өдөр 2017 он
Төрийн аудитын байгууллагаас 2018-2022 оны сургалт, хөгжлийн стратеги хөтөлбөр, 2017 оны сургалтын чиглэл, ерөнхий төлөвлөгөө, Английн аудитын газраас санхүүгийн аудитын тайланд хийсэн түншийн үнэлгээний тайлангаар өгсөн зөвлөмжийг үндэслэн аудиторуудын ур чадвар, мэргэшлийг дээшлүүлэх төлөвлөгөөт сургалтуудыг зохион байгуулж байна.
Энэ хүрээнд санхүүгийн тайланд аудит хийх хараат бус аудитын хуулийн этгээдийн аудиторуудад зориулсан сургалт өнөөдөр Нийслэлийн иргэний танхимд эхэллээ.
Хоёр өдөр үргэлжлэх тус сургалтад 140 гаруй аудитор хамрагдаж байгаа бөгөөд Үндэсний аудитын газрын Стратегийн удирдлагын газар, Санхүүгийн аудитын газар, Хараат бус аудитын компанийн төлөөлөлтэй хамтран зохион байгуулж байна.
