ХАРААТ БУС АУДИТЫН ХУУЛИЙН ЭТГЭЭДИЙН АУДИТОРУУДАД ЗОРИУЛСАН СУРГАЛТЫН ХААЛТЫН ҮЙЛ АЖИЛЛАГАА БОЛЛОО
Төрийн аудитын байгууллагын 2018-2022 оны сургалт, хөгжлийн стратеги хөтөлбөр, Төрийн аудитын байгууллагын 2017 оны сургалтын чиглэл, ерөнхий төлөвлөгөө, Английн аудитын газраас санхүүгийн аудитын тайланд хийсэн түншийн үнэлгээний тайлангаар өгсөн зөвлөмжийн дагуу санхүүгийн тайланд аудит хийх хараат бус аудитын хуулийн этгээдийн аудиторуудын чадавхийг дээшлүүлэх, аудитын арга зүйг хөгжүүлэх сургалтыг хоёр өдөр зохион байгуулж дууслаа.
Тус сургалтад Үндэсний аудитын газрын захиалга, гэрээгээр төрийн болон төрийн өмчит ААН-ийн санхүүгийн тайланд аудит хийх урьдчилсан сонголт, богино жагсаалтад багтсан хараат бус 70 компанийн 140 гаруй аудитор хамрагдлаа.
Үндэсний аудитын газрын Стратегийн удирдлагын газар, Санхүүгийн аудитын газрын сургагч багш нар, Сангийн яам, ТӨБЗГ-ын холбогдох мэргэжилтнууд сургалтын хөтөлбөрт заагдсан хичээлийг зааж, оролцогсдын асуултад хариулж, тэдэнтэй санал бодлоо хуваалцсан нь өмнөх жилүүдийн сургалтын арга хэмжээнээс шинэлэг болсон талаар оролцогчдын талархлыг хүлээсэн юм.
Энэхүү үйл ажиллагааны хаалт буюу сертификат гардуулах арга хэмжээнд Монгол Улсын Ерөнхий аудитор Д.Хүрэлбаатар оролцож Төрийн аудитын болон хараат бус аудитын компанийн хамтын үйл ажиллагаа, цаашдын бодлого, чиглэлийн талаар аудиторуудтай санал солилцлоо.