СОНГОН ШАЛГАРУУЛАЛТ ЗАРЛАХ ТУХАЙ
Төрийн аудитын тухай хуулийн 16 дугаар зүйлийн 16.2-т заасан “Үндэсний аудитын газар төрийн аудитын байгууллагын аудитын хэтийн болон жилийн төлөвлөгөө боловсруулахдаа иргэд, олон нийтийн анхааралд байгаа үнэн зөв хариу хүссэн аудитын сэдвийг сонгож, хүний болон санхүүгийн нөөц, хугацаа, хүрэх үр дүнг тусган Улсын Их Хурлын Төсвийн байнгын хороонд танилцуулж, шийдвэр гаргуулна.” заалтыг хэрэгжүүлэх зорилгоор Монгол Улсын Төрийн аудитын байгууллага болон иргэд, олон нийт, төрийн бус байгууллагуудын хоорондын хамтын ажиллагааны тогтолцоог бий болгох, төрийн аудитын чанар, үр дүнг дээшлүүлэх, иргэд, олон нийтийн оролцоог төрийн аудитын үйл ажиллагаанд татан оролцуулах, иргэд, олон нийтэд ил тод нээлттэй үнэн зөв мэдээллийг хүргэх үндсэн чиг үүрэг бүхий Аудитын Иргэний танхимыг Монгол Улсын Ерөнхий аудиторын дэргэд орон тооны бус хэлбэрээр ажиллуулахаар шийдвэрлэж Монгол Улсын Ерөнхий аудиторын 2017 оны А/228 тоот тушаалаар “Аудитын иргэний танхим болон Аудитын иргэдийн бүлгийн үйл ажиллагааны дүрэм”-ийг батлан гаргасан билээ.
Энэхүү дүрмийн 1 дүгээр бүлгийн 1.6-д заасан “Аудитын иргэний танхим болон Аудитын иргэдийн бүлэг, тэдгээрийн нэгжид ажиллах гишүүдийг сонгохдоо Төрийн аудитын байгууллага нээлттэй ил тод байдлаар зарлаж, сонгон шалгаруулах зарчмаар шийдвэрлэнэ.” гэсэн заалтыг үндэслэн Монгол Улсын Ерөнхий аудиторын дэргэдэх Аудитын иргэний танхимын орон тооны бус гишүүнийг сонгох сонгон шалгаруулалтыг 2018 оны 04 дүгээр сарын 01-ний өдөр хүртэл зарлаж байна.
Аудитын иргэний танхимын орон тооны бус гишүүн нь “Аудитын иргэний танхим болон Аудитын иргэдийн бүлгийн үйл ажиллагааны дүрэм”-ийн 1 дүгээр бүлгийн 1.5-д заасан дараахь шаардлагыг хангасан байна. Үүнд:
- Монгол Улсын иргэн байх;
- 10-аас дээш жил ажилласан туршлагатай байх;
- эдийн засаг, санхүү, нягтлан бодох бүртгэл, хууль, төрийн захиргаа болон холбогдох бусад чиглэлээр боловсролын зэрэгтэй байх;
- төрийн аудитын байгууллагын бүрэн эрхэд харшлах аливаа ажил, албан тушаал давхар эрхэлдэггүй;
- тухайн салбараар нарийн мэргэшсэн, мэргэжлийн зэрэг цолтой, олон түмний болон тухай салбарын мэргэжилтнүүдийн дунд өндөр нэр хүндтэй байх;
Аудитын иргэний танхимын орон тооны бус гишүүнээр дараахь салбарын мэргэжилтнүүдээс сонгон шалгаруулж томилно. Үүнд:
- банк, санхүү, эдийн засгийн салбарын 2 гишүүн
- үйлдвэр, дэд бүтцийн салбарын чиглэлээр 2 гишүүн
- нийгэм, боловсрол, соёл, байгаль орчин, эрүүл мэндийн салбарын 2 гишүүн
- хууль, эрх зүйн салбарын 1 гишүүн
- иргэний нийгмийн байгууллагуудын салбарын 2 гишүүн
Аудитын иргэний танхимын орон тооны бус гишүүнээр нэг салбараас 2 гишүүн сонгохдоо тухайн салбарт багтсан өөр, өөр мэргэжлийн хүн байх чиглэлийг баримтална.
Аудитын иргэний танхимын гишүүнээр сонгогдохоор санал ирүүлэхдээ дараахь материалыг бүрдүүлж битүүмжилсэн байвал зохино. Үүнд:
- Төрийн албан хаагчийн анкет /батлагдсан маягтын дагуу/;
- Аль салбар зөвлөлд ажиллаж ямар, санал, санаачлага гаргахаа илэрхийлсэн хувийн өргөдөл;
- Тухайн салбарт ажилласан тухай ажил, байдлын тодорхойлолт/ тухайн салбарын Яамны төрийн нарийн бичгийн даргын гарын үсэгтэй/;
- Мэргэжлийн дипломын хуулбар / нотариатиар батлуулсан байх/;
- Мэргэжлийн чиглэлээр хэвлүүлсэн материал, бүтээл, туурвилын жагсаалт;
- Аудитын иргэний танхим болон Аудитын иргэдийн бүлгийн үйл ажиллагааны дүрэм”-ийн 1 дүгээр бүлгийн 1.5-д заасан шаардлагуудыг хангасан гэдгийг батлах нотлох баримтууд;
Монгол Улсын Ерөнхий аудиторын дэргэдэх Аудитын иргэний танхимын орон тооны бус гишүүнээр ажиллах сонирхолоо илэрхийлсэн этгээд саналаа 2018 оны 4 дүгээр сарын 01-ний өдрийн 17 цаг 30 минутаас өмнө Үндэсний аудитын газрын Стратегийн удирдлагын газрын 318 тоот өрөөнд Аудитын иргэний танхимын нарийн бичгийн дарга З.Хонгорзулд ирүүлэхийг мэдэгдье.
Шаардлагатай бусад мэдээллийг Кhongorzulz.@audit.gov.mn мейл хаягаар эсвэл 261745 утсаар авна уу?
Хаяг: Засгийн газрын IY дүгээр байр, Үндэсний аудитын газар, III давхар 318 тоот өрөө
Аудитын иргэний танхим болон иргэдийн бүлгийн үйл ажиллагааны дүрмийг энд дарж үзнэ үү.
