Говь-Алтай аймаг дахь Төрийн аудитын газраас сонгон шалгаруулалт зарлаж байна.

СОНГОН ШАЛГАРУУЛАЛТ ЗАРЛАХ ТУХАЙ

            Төрийн аудитын тухай хуулийн 16 дугаар зүйлийн 16.2-т заасан “Үндэсний аудитын газар төрийн аудитын байгууллагын аудитын хэтийн болон жилийн төлөвлөгөө боловсруулахдаа иргэд, олон нийтийн анхааралд байгаа үнэн зөв хариу хүссэн аудитын сэдвийг сонгож, хүний болон санхүүгийн нөөц, хугацаа, хүрэх үр дүнг тусган Улсын Их Хурлын Төсвийн байнгын хороонд  танилцуулж, шийдвэр гаргуулна” заалтыг хэрэгжүүлэх зорилгоор Монгол Улсын Төрийн аудитын байгууллага болон иргэд, олон нийт, төрийн бус байгууллагуудын хоорондын хамтын ажиллагааны тогтолцоог бий болгох, төрийн аудитын чанар, үр дүнг дээшлүүлэх, иргэд олон нийтийн оролцоог төрийн аудитын үйл ажиллагаанд  татан оролцуулах, иргэд, олон нийтэд ил тод нээлттэй үнэн зөв мэдээллийг хүргэх үндсэн чиг үүрэг бүхий Аудитын Иргэний бүлгийг Говь-Алтай аймаг дахь төрийн аудитын газрын дэргэд орон тооны бус хэлбэрээр ажиллуулахаар шийдвэрлэж Монгол Улсын Ерөнхий аудиторын 2017 оны А/228 тоот тушаалаар “Аудитын иргэний танхим болон Аудитын иргэдийн бүлгийн үйл ажиллагааны дүрэм”-ийг батлан гаргасан билээ.

Энэхүү дүрмийн 1 дүгээр бүлгийн 1.6-д заасан “Аудитын иргэний танхим болон Аудитын иргэдийн бүлэг, тэдгээрийн нэгжид  ажиллах гишүүдийг сонгохдоо Төрийн аудитын байгууллага нээлттэй ил тод байдлаар зарлаж, сонгон шалгаруулах зарчмаар шийдвэрлэнэ” гэсэн заалтыг үндэслэн Говь-Алтай аймаг дахь Төрийн аудитын газрын дэргэдэх Аудитын иргэний бүлгийн орон тооны бус гишүүнийг сонгох сонгон шалгаруулалтыг 2018 оны 02 дугаар сарын 06-ны өдрөөс эхлэн ажлын 15 хоногийн хугацаатайгаар зарлаж байна.

Аудитын иргэний бүлгийн орон тооны бус гишүүн нь” Аудитын иргэний танхим болон аудитын иргэдийн бүлгийн үйл ажиллагааны дүрэм”-ийн 1 дүгээр бүлгийн 1.5-д заасан дараахь  шаардлагыг хангасан байна Үүнд:

• Монгол Улсын иргэн байх
• 10-аас дээш жил ажилласан туршлагатай байх
• Эдийн засаг, санхүү, нягтлан бодох бүртгэл, хууль, төрийн захиргаа болон холбогдох бусад чиглэлээр боловсролын зэрэгтэй байх
• Ял шийтгүүлж байгаагүй
• Төрийн аудитын байгууллагын бүрэн эрхэд харшлах аливаа ажил, албан тушаал давхар эрхэлдэггүй байх
• Өмчийн бүх хэлбэрийн аж ахуйн нэгж, мэргэжлийн болон төрийн бус байгууллагад санхүүгийн сонхирхолгүй байх
• Тухайн салбарт нарийн мэргэшсэн, мэргэжлийн зэрэг цолтой, олон түмний болон тухайн салбарын мэргэжилтнүүдийн дунд өндөр нэр хүндтэй байх

Аудитын иргэний бүлгийн орон тооны бус гишүүнээр дараахь салбарын мэргэжилтнүүдээс сонгон шалгаруулж томилно. Үүнд:

• Цэцэрлэгийн аудитын иргэдийн нэгж -1 гишүүн
• Сургуулийн аудитын иргэдийн нэгж -1 гишүүн
• Эрүүл мэнд, спорт, соёлын аудитын иргэдийн нэгж – 1 гишүүн
• Нийгмийн халамж, хөдөлмөр эрхлэлтийн аудитын иргэдийн нэгж – 1 гишүүн
• Нутгийн өөрөө удирдах байгууллагын болон нутгийн захиргааны байгууллагуудын аудитын иргэдийн нэгж -1 гишүүн
• Уул, уурхай, дэд бүтэц, байгаль орчны аудитын иргэдийн нэгж -1 гишүүн
• Банк, санхүү эдийн засгийн аудитын иргэдийн нэгж -1 гишүүн

Аудитын иргэний бүлгийн гишүүнээр сонгогдохоор санал ирүүлэхдээ дараахь материалыг бүрдүүлж битүүмжилсэн байвал зохино. Үүнд:

1. Төрийн албан хаагчын анкет /батлагдсан маягтын дагуу/
2. Аль салбар зөвлөлд ажиллаж ямар, санал, санаачилга гаргахаа илэрхийлсэн хувийн өргөдөл
3. Тухай салбарт ажилласан тухайн ажил, байдлын тодорхойлолт /тухайн салбарын газрын даргын гарын үсэгтэй/
4. Мэргэжлийн дипломын хуулбар /нотариатиар батлуулсан байх/
5. Мэргэжлийн чиглэлээр хэвлүүлсэн материал, бүтээл, туурвилын  жагсаалт
6. Аудитын иргэний танхим болон Аудитын иргэний бүлгийн үйл ажиллагааны дүрэм” –ийн 1 дүгээр бүлгийн 1.5-д заасан шаардлагуудыг хангасан гэдгийг нотлох баримтууд

Говь-Алтай аймаг дахь Төрийн аудитын газрын дэргэдэх Аудитын иргэний бүлгийн орон тооны бус гишүүнээр ажиллах сонирхолоо илэрхийлсэн этгээд саналаа 2018 оны 2 дугаар сарын 24-ний өдрийн 17 цаг 30 минутаас өмнө Говь-Алтай аймаг дахь Төрийн аудитын газрын нийцлийн аудитор Ц.Сайханжаргалд ирүүлэхийг мэдэгдье.

Хаяг: Говь-Алтай аймаг дахь Төрийн аудитын газар

  Утас:70483413,70484055, 88665099

Дүрмийг дараах холбоосоор орж үзнэ үү. Холбоос: http://www.audit.mn/wp-content/uploads/2018/02/irgenii-tanhim-last.pdf

ГОВЬ-АЛТАЙ АЙМАГ ДАХЬ ТӨРИЙН АУДИТЫН ГАЗАР