Иргэний нисэхийн ерөнхий газрын 2016-2017 оны үйл ажиллагааны үр дүнд хийх гүйцэтгэлийн аудитын нээлт боллоо.

Аудитыг УИХ-ын Төсвийн байнгын хорооны 2017 оны 12 дугаар сарын 20-ны өдрийн 06 дугаар тогтоол, Үндэсний аудитын газраас 2018 онд нийлүүлэх аудитын болон ажил, үйлчилгээний төлөвлөгөөг үндэслэн Төрийн аудитын тухай хуулиар тодорхойлсон Үндэсний аудитын газрын бүрэн эрхийн хүрээнд Иргэний нисэхийн ерөнхий газрын 2016-2017 оны үйл ажиллагааны үр дүнд гүйцэтгэлийн аудит хийх нээлтийн үйл ажиллагаа боллоо.

Тус үйл ажиллагаанд Монгол Улсын Ерөнхий аудиторын орлогч бөгөөд тэргүүлэх аудитор С.Оюунбилэг, Гүйцэтгэлийн аудитын газрын захирал бөгөөд тэргүүлэх аудитор М.Давааням, аудитын менежер, ахлах аудитор, аудиторууд, Иргэний нисэхийн ерөнхий газрын удирдлагууд оролцлоо.

Иргэний нисэхийн ерөнхий газрын 2016-2017 оны үйл ажиллагааны үр дүнд дараах чиглэлээр гүйцэтгэлийн аудит хийнэ. Үүнд:

• Иргэний нисэхийн 2016-2017 оны зарим санхүү, эдийн засгийн төлөвлөлт, гүйцэтгэл үр дүнтэй эсэх
• Иргэний нисэхийн салбарын боловсон хүчний зарим үйл ажиллагаа үр нөлөөтэй эсэх
• Агаарын тээврийг хөгжүүлэхэд авч хэрэгжүүлсэн арга хэмжээ үр нөлөөтэй эсэх