МОНГОЛ БАНКНЫ 2012-2016 ОНЫ ҮЙЛ АЖИЛЛАГААНЫ ҮР ДҮНД ХИЙХ ГҮЙЦЭТГЭЛИЙН АУДИТЫН НЭЭЛТ БОЛЛОО.

УИХ-ын Төсвийн Байнгын хорооны 2017 оны 6 дугаар тогтоол, Монгол Улсын Ерөнхий аудиторын 2018 оны A/06 дугаар тушаалын дагуу “Монголбанкны 2012-2016 оны үйл ажиллагааны үр дүн”-д хийх гүйцэтгэлийн аудитын нээлтийн үйл ажиллагаа 2018 оны 02 сарын 13-ний өдөр боллоо.

Тус нээлтэд Монгол Улсын Ерөнхий аудиторын орлогч бөгөөд Тэргүүлэх аудитор С.Оюунбилэг, Үндэсний Аудитын газрын Гүйцэтгэлийн аудитын газрын захирал бөгөөд Тэргүүлэх аудитор М.Давааням, аудитын менежер, ахлах аудитор, аудиторууд, Монголбанкны ерөнхийлөгч Н.Баяртсайхан, Тамгын газрын захирал Ж.Батхуяг, Дотоод аудитын газрын захирал Д.Аюуш, Нөөцийн удирдлага, санхүүгийн зах зээлийн газрын захирал А.Энхжин, Тайлан, бүртгэлийн газрын захирал Т.Амарсайхан нар оролцлоо.

Монголбанкны 2012-2016 оны үйл ажиллагаанд хийх гүйцэтгэлийн аудитыг дараах чиглэлээр хийнэ. Үүнд:

• Монголбанкны үйл ажиллагааны чиглэлийн хүрээнд хэрэгжүүлсэн ажил үр дүнтэй байсан эсэх;
• Эрдэнэсийн санг эрхлэх үйл ажиллагаа үр нөлөөтэй явагдсан эсэх;
• Монголбанкны үйл ажиллагаанд тавих хяналт үр нөлөөтэй байсан эсэх