ТӨСВИЙН ШУУД ЗАХИРАГЧДЫН 2017 ОНЫ САНХҮҮГИЙН ТАЙЛАН, ТӨСВИЙН ГҮЙЦЭТГЭЛД САНХҮҮГИЙН АУДИТ ХИЙЖ ДУУСЛАА.
ТӨСВИЙН ШУУД ЗАХИРАГЧДЫН 2017 ОНЫ САНХҮҮГИЙН ТАЙЛАНД, ТӨСВИЙН ГҮЙЦЭТГЭЛИЙН АУДИТ ХИЙЖ ДУУСЛАА.
Үндэсний Аудитын Газраас Монгол Улсын Ерөнхий аудиторын 2018 оны 1 дүгээр сарын 05-ны өдрийн А/04 дүгээр тушаалаар баталсан “2017 оны жилийн эцсийн санхүүгийн тайлан, төсвийн гүйцэтгэлд аудит хийх хуваарь”-ийг үндэслэн төсвийн шууд захирагчдын 2017 оны санхүүгийн тайлан, төсвийн гүйцэтгэлд санхүүгийн тайлангийн аудит хийгдлээ.
Үүнээс ҮАГ-ын Санхүүгийн аудитын газар 40 байгууллагын, хараат бус хуулийн этгээдээр гэрээгээр нийт 134 байгууллагын санхүүгийн тайланд дүгнэлт гаргасан бөгөөд төсөв захирагч, санхүүгийн ажилтнуудыг байлцуулан дүгнэлтийг гардуулах арга хэмжээг 2018 оны 3 сарын 5-наас 6-ны өдрүүдэд зохион байгуулав.
Тус арга хэмжээг нээж аудитын дүгнэлтийн талаар МУЕА-ын орлогч С.Оюунбилэг, Санхүүгийн Аудитын газрын захирал, тэргүүлэх аудитор Ц.Наранчимэг нар танилцуулж, аудитын дүгнэлтээр гарсан зөрчил дутагдлыг хугацаанд нь арилгах, хойшид анхаарах асуудлаар үүрэг чиглэл өглөө.
2018 оноос аудитын тайланг хэрэглэгчдэд ойлгомжтой болгох үүднээс хуудас болгоныг баталгаажуулан таних тэмдэг тавьсан бөгөөд ногоон өнгийн тэмдэг зөрчилгүй, цэнхэр өнгийнх нь хязгаарлалттай, улаан өнгийнх нь сөрөг болон санал дүгнэлт өгөхөөс татгалзсан болохыг харуулж, мөн бар коджуулж байгаагаараа онцлогтой болсон байна.
Аудитаар нийт 118 байгууллагад “Зөрчилгүй”, 15 байгууллагад “Хязгаарлалттай”, 1 байгууллагад “Сөрөг” санал дүгнэлт өгсөн байна.
Төсвийн мөнгийг үр дүнтэй, үр өгөөжтэй зарцуулах, алдаа дутагдал гарвал тухай бүр засч залруулж хамтран ажиллаж байхаар харилцан санал солилцов.
