Төрийн Аудитын Байгууллагын Стратегийн удирдлагын газар аудитын олон улсын стандартуудыг эх хэлнээ орчуулан гаргаж байна.
Аудит хийх шинэ арга зүй, сайн туршлагыг нэвтрүүлэх зорилгоор Аудитын дээд байгууллагуудын холбооноос баталсан аудитын олон улсын 86 стандартыг анх удаа эх хэлнээ орчуулан 9 боть ном хэвлүүлэхээр ажиллаж байна.
Одоогоор 4 ном хэвлэлтээс гараад байгаа бөгөөд дараах стандартуудыг агуулсан болно. Үүнд:
- АДБОУС 3000-3100 Гүйцэтгэлийн аудитын удирдамж
- АДБОУС 5100-5199 Байгаль орчны аудитын гарын авлага
- АДБОУС 5000-5099 Олон улсын институцийн удирдамж
- АДБОУС 5300-5399 Мэдээллийн технологийн аудитын удирдамж
- АДБОУС 5600-5699 Түншийн үнэлгээ хийх удирдамж
- АДБОУС 4000-4999 Нийцлийн аудитын удирдамж
Стратегийн удирдлагын газар анх удаа олсон туршлагадаа үндэслэн Санхүүгийн тайлангийн аудитын журам, гарын авлагыг боловсруулж төрийн аудитын байгууллагын бүх ажилтнуудад эзэмшүүлэх, нэвтрүүлэх сургалтыг зохион байгууллаа. Мөн Санхүүгийн тайлангийн аудитын журам, гарын авлагыг ном болгон хэвлүүлж төрийн аудитын байгуллагын бүх ажилтнуудад олголоо.
Чанарын хяналтын журам, Нийцлийн аудитын журам, Гүйцэтгэлийн аудитын журам, Акт тавих, албан шаардлага өгөх журам, Төрийн аудитын байгууллагын үйл ажиллагааны статистик мэдээний маягт, зааврыг шинэчлэн боловсруулахаар судалгааны ажлыг эхлүүлээд байна.
