ТӨСВИЙН ТӨВЛӨРҮҮЛЭН ЗАХИРАГЧДЫН 2017 ОНЫ САНХҮҮГИЙН ТАЙЛАН, ТӨСВИЙН ГҮЙЦЭТГЭЛД САНХҮҮГИЙН ТАЙЛАНГИЙН АУДИТ ХИЙЖ ДУУСЛАА

Үндэсний Аудитын Газрын Санхүүгийн аудитын газраас Монгол Улсын Ерөнхий аудиторын 2018 оны А/04 дүгээр тушаалаар баталсан “2017 оны жилийн эцсийн санхүүгийн тайлан, төсвийн гүйцэтгэлд аудит хийх хуваарь”-ийн дагуу  төсвийн төвлөрүүлэн захирагчдын 2017 оны санхүүгийн нэгтгэсэн тайлан, төсвийн гүйцэтгэлд аудит хийж дууслаа.

Аудитад Татварын ерөнхий газар, Стандарт, хэмжилзүйн газар, Мэргэжлийн хяналтын ерөнхий газар, Онцгой байдлын ерөнхий газар, Цаг уур, орчны шинжилгээний газар, ЗХЖШ, Дипломат төлөөлөгчийн газар, Гаалийн ерөнхий газар, ЦЕГ, ШШГЕГ, Хил хамгаалах ерөнхий газар, Оюуны өмч, улсын бүртгэлийн ерөнхий газар, Шүүхийн шинжилгээний үндэсний хүрээлэн, Гадаадын иргэн, харьяатын  газар, Хөдөлмөр, халамжийн үйлчилгээний ерөнхий газар, Газрын зохион байгуулалт, геодези зураг зүйн газар, Шинжлэх ухааны академи, ИНЕГ зэрэг нийт 18 төсвийн төвлөрүүлэн захирагчид хамрагдсанаас 16 байгууллагад “Зөрчилгүй”, 2 байгууллагад “Хязгаарлалттай” аудитын санал дүгнэлт өгсөн байна.

Санхүүгийн аудитын газар эдгээр төсвийн төвлөрүүлэн захирагчдад аудитын санал дүгнэлт гардуулах арга хэмжээг төсвийн захирагч нар, санхүүгийн ажилтнуудыг байлцуулан зохион байгуулав.

Тус арга хэмжээнд МУЕА-ын орлогч С.Оюунбилэг, Санхүүгийн Аудитын газрын захирал бөгөөд тэргүүлэх аудитор Ц.Наранчимэг нар оролцон аудитын дүгнэлтийн талаар танилцуулж, аудитаар илэрсэн алдаа, зөрчлийг хугацаанд нь арилгах, цаашид анхаарах асуудлаар үүрэг чиглэл өглөө.